‏ Psalms 51

(1 Хаан 22:9-10)

1–
2[Дуунай бүлэгэй хүтэлбэрилэгшэдэ. Эдоом хүн Доһээг ерэжэ, Саулда «Давид Ахимээлэхэй гэртэ ерээ» гэжэ хэлэхэ үедэ Давидай зохёоһон ирагуу үгэнүүд.]
3Баатар, ши юундэ муу хэрэгүүдээрээ һайрханабши?
Бурханай энэрэл хайра хэтэ мүнхын!
 4Хэлэншни бүлюудэһэн хутага мэтэ мэхэтэй,
гэм түсэблээл.
 5Ши муу муухайда һайн юумэнһээ үлүү дуратайш,
үнэнһөө шамда худал хуурмаг дээрэ! [Хүгжэм]
 6Мэхэтэй хэлэн, ши һүйдхэлтэ үгэ бүхэндэ дуратайш.
 7Харин Бурхан шамайе үгы болоторшни һалгааха,
Тэрэ шамайе майханһаашни гаргажа хаяха,
амидын газарһаа шамайе үндэһөөршни һуга татаха.
 8Зүб шударга зон хараад айха,
наада барижа, иигэжэ хэлэхэл:
 9«Харыт, Бурханиие өөрын хорохо газар гэжэ тэрэ тоодоггүй байгаа,
өөрын баян бардамда найдажа,
гэм зэм хэжэ, баяжажа байгаа».
 10Харин би хадаа Бурханай нангин үргөө соо
һалбаран ургажа байгаа чидүүн модон мэтэб,
Бурханай энэрэл хайрада хэтэ мүнхэдөө найданаб.
 11Хэһэн хэрэгүүдэй түлөө
Таниие хэтэдээ магтанаб,
Танда үнэн сэхэ зондо нэрэтнай һайн,
нэрэдэтнай найданаб.
Copyright information for BxrBBL2024