Psalms 57
1[Дуунай бүлэгэй хүтэлбэрилэгшэдэ: «Бү усадхыт» гэдэг аялга. Давидай бэшэһэн шүлэг.]2Удамаршад, таанад үнэхөөр зүб шударгаар хэрэг шиидхэдэг гүт?
Үнэн зүбөөр зониие шүүбэрилдэг юм гүт?
3Таанад зүб шударга бэшые һанаандаа түсэблэнэт,
газар дэлхэй дээрэ гараараа хэһэн муу муухайгаа шэгнэнэт.
4Хорото муу зон түрэхэһөө эхилээд, гажуу ябадалтай,
худалшад эхын хэбэлһээ эхилэн төөридэг.
5Тэдэ могойн хорондол адли хоротой,
тэдэ шэхээ бүтүүлһэн дүлии нажа могойтой адли.
6Иигэжэ тэдэ тарни шадамар уншагша шэдитэнэй дуу хоолойе шагнадаггүй юм.
7Бурхан! Тэдэнэй амандахи шүдые түүрэ сохиит!
Эзэн! Арсалангуудай үрүүе хухалыт!
8Тэдэниие урдажа байгаа уһандал урдахуулан ябуулыт!
Һурша номоо татажа байхадань, годлиинь хухарһан мэтэ болгыт!
9Тэдэниие ябаха үедээ хайлан үгы болодог эмэ хумһан мэтэ болгыт!
Нара хэзээшье үзэхэгүй дутуу түрэһэн хүүгэн мэтэ болгыт!
10Юу тэдэнтэй болоһые тэдэ ойлгожошье үрдихэгүй.
Үүргэнэ, адаалхай мэтэ, хог ногоон, хуурай үбһэн мэтэ
тэдэниие хуй һалхин үлеэн абаашахал!
11Тэдэнтэй юу болоһые харахадаа, зүб шударга хүн баярлаха,
хорото муу хүнэй шуһанда хүлөө угааха.
12«Үнэхээр зүб шударга хүндэ шагнал байдаг!
Үнэхээр газар дэлхэй дээрэ зарга шүүгшэ Бурхан бии!»
гэжэ зон хэлэхэ.
Copyright information for
BxrBBL2024