‏ Psalms 59

(Псал 107:7-14; 2 Хаан 8–10; 1 Уг 18–19)

1[Дуунай бүлэгэй хүтэлбэрилэгшэдэ: «Найдуулгын сараана» гэдэг аялга. Сээжэлдэхын тула Давидай бэшэһэн шүлэг.
2Араам-Наһарааим болон Араам-Цобаае һамна бута сохиходоо, Ёһаабай бусамсаараа Дабһата хүндыдэ арбан хоёр мянган эдоомуудые усадхахада Давид энээниие зохёогоо бэлэй.]
3Бурхан, Та маанадые орхёот, һалгаат.
Та уурланат. Маанадтаа һөөргөө эрьеыт!
 4Та газар хүдэлгөөт, хахалаат.
Газар доһолоол! Шархыень эдэгээгыт!
 5Хэсүү юумэн юун гээшэб гэжэ арад түмэндөө харуулаат,
гай зоболониие зондоо дүүрэн амасуулаат.
 6Таниие хүндэлдэг зоной годлинуудһаа зайсахын тула
тэмдэг тэдээндэ үгөөт. [Хүгжэм]
 7Танда хайратай зоной амиды мэндэ үлэхын тула
баруун гараараа тэдэниие абарыт!
Маанадта харюу үгыт!

8Бурхан нангин үргөөдөө иигэжэ айладхаа:
«Угаа баярлан, Шэхээмые хубаахаб,
Суккоот нюруугай газар хэмжэхэб.
 9Галаад – Минии, Мэнашшээ – Минии,
Эпрааим – толгоймни дуулга, Иуда – Минии баяг.
 10Моһааб – угаалгын һабамни,
Эдоом руу гуталаа шэдэхэб.
Пилиштын дээгүүр шангаар хашхархаб!»
 11Хэн намайе бүхэлэгдэһэн хото руу оруулхаб?
Хэн намайе Эдоом руу дахуулан абаашахаб?
 12Бурхан, Та бидэнһээ буруу хараат,
сэрэгтэймнай хамта байлдаанда гаранагүйт!
 13Хашагдаад байһан үедэмнай туһалыт,
зондо найдаха гээшэ худал.
 14Бурханай туһаламжаар илахабди,
Тэрэ дайсадымнай диилэхэ.
Copyright information for BxrBBL2024