Psalms 61
1[Дуунай бүлэгэй хүтэлбэрилэгшэдэ: Едүтүүнэй аялга. Давидай псалма.]2Гансал Бурханаар сэдьхэлни аниргүй болон, амаран байна,
Тэрээнһээл абарал намда үршөөгдэхэ.
3Тэрэ гансаараа хабсагайм, абарални, хорохо газарни,
би бэшэ ганхахагүйб.
4Таанад хэды болотор хүн руу алаха гэжэ добтолон байхабта?!
Хэмхэрэн унажа байгаа хана, унахаяа байгаа хашаа мэтэт.
5Таанар тэрэниие үндэр һууриһаань унагааха гэжэ хэлсэбэт,
худалаар хэлэнэт.
Амаараа юрөөһэн аад,
дотороо хараажа байналта! [Хүгжэм]
6Сэдьхэлни, гансал Бурхан дотор амархаяа мэдээрэй!
Юуб гэбэл, Тэрээндэл би найданаб.
7Гансал Тэрэ хабсагайм, абарални, хорохо газарни!
Би ганхахагүйб.
8Абарални болон алдарни – Бурханда,
Бурхан – хүсэ шадалайм хада хабсагай, хорохо газарни.
9Арад түмэн! Хододоо Тэрээндэ найдан байгты!
Тэрэнэй урда сэдьхэлээ нээгты,
Бурхан манай хорохо газар мүн. [Хүгжэм]
10Арад зон хадаа юуншье бэшэ,
хүнүүд хооһон хии юм.
Шэгнэбэл, тэдэ хамта амисхалһаалшье хүнгэн.
11Харшалга дарлалтада бү найдагты,
дээрмэшэлгэ тонуулда бү этигэгты.
Баялигай нэмэжэ байгаада
сэдьхэл зүрхэеэ бү зорюулагты.
12Бурхан айладхаа, бишье хоёр удаа дуулаһан байнаб
хүсэн – Бурханһаа гээшые!
13Эзэн, энэрэл хайрашье – Танһаа,
юуб гэбэл, хэһэн хэрэгэйнь хэмээр хүн бүридэ харюулдагта.
Copyright information for
BxrBBL2024