‏ Psalms 62

(1 Хаан 23–24; 2 Хаан 15:13–17:29)

1[Давидай псалма. Иудын сүл губида байхадаа тэрэнэй зохёоһон.]
 2Бурхан! Та – минии Бурхан!
Таниие үнэнхэ зүрхэнһөө бэдэрнэб,
Тан руу сэдьхэлни тэгүүлнэ.
Уһагүй, хуурай сүл губида мэтэ
Танаар анган мяхан бэемни байна.

3Нангин газарта Таниие –
Танай хүсэ шадал, алдарыетнай үзөө бэлэйб.
 4Амидаралһаа үлүүл Танай энэрэл хайра!
Амамни Таниие магтан байна.
 5Иигэжэ бүхы наһаараа Таниие магтахаб,
гараа һунган, Танай нэрые дуудахаб.
 6Амтатай эдеэ эдиһэндэл сэдьхэлни,
амамни баяртай дуугаар Таниие магтана.

7Би орондоо Таниие һанахадаа,
бүхэли һүни Тан тухай бодоноб.
 8Юуб гэбэл, Та – минии туһаламжа,
дали жэгүүр доротнай баясан дууланаб.
 9Сэдьхэлни Танда няалданхай,
зүб гартнай намайе дүнгэнэ.

10Харин намайе алахаяа бэдэрэгшэд
газарай гүн руу шабагдахал!
 11Һэлмээр тэдэниие сабшан усадхаха,
сүүбэн шононуудай хүнэһэн болохо.
 12Бурхан хааниие баярлуулха.
Бурханаар тангариглагша хүн бүхэн баяртай байха,
юуб гэбэл, худал хэлэдэг зоной аман таглагдаха.
Copyright information for BxrBBL2024