Psalms 64
1[Дуунай бүлэгэй хүтэлбэрилэгшэдэ: Давидай псалма, дуун.]2Бурхан, Сион дээрэ Танай урда магтаал соностоно,
Танай урда тангаригууд бэелүүлэгдэг.
3Та зальбарал дууланат.
Амиды голтой бүхэн Тан руу ерэг лэ!
4Намайе гэм буруу диилээл.
Та манай алдууе заһанат.
5Өөрын хашаа соо оршохыень
Танай Өөртөө дүтэлүүлэгшэ, шэлэн абагша хүн
хэды ехэ юрөөлтэйб!
Танай нангин үргөө соо,
арюун һайхан үргөө соотнай
жаргал эдлэхыемнай үршөөгыт!
6Маанадай абаралай Бурхан!
Дэлхэйн хизаарнууд болон алас холын далайн
этигэл болохо Та зүб шударгаараа,
айдаһа хүрэмөөр үйлэ хэрэгүүдээрээ маанадта харюусыт!
7Хүсөөрөө хадануудые табяат,
хүсэ шадалаараа Өөрыгөө бүһэлөөт.
8Долгиной шааяае, зоной шууялдахые,
далайн хүнхинөөе Та номгоруулаат!
9Танай дүлгэ тэмдэгүүдһээ дэлхэйн хизаарнуудтахи зон айна.
Зүүн болон баруун зүгүүдээр Өөрыгөө магтуулнат.
10Та газар тухай һанаагаа табинат,
ундалуулнат, баяжуулнат,
Бурханай урасхал уһаар билтарма
газар хүрьһэ бэлдэжэ,
ургаса ургуулнат.
11Бураздааень уһалнат, газар тэгшэлнэт,
бороогоор дэбтээнэт, ургаһан юумыень юрөөнэт.
12Зуниие баян ургасатай болгонот,
ябаһан газартатнай тоһон урдана.
13Хээрэ талын бэлшээринүүдшье тоһоор билтаржа,
добо толгойнуудшье баяраар хушагдана.
14Нуганууд мал һүрэгөөр нэмэрэгдэн,
нюруу газарнуудшье ургасаар билтарна,
баясан-баярлан, тэдэ дуулана.
Copyright information for
BxrBBL2024