‏ Psalms 65

1[Дуунай хүтэлбэрилэгшэдэ: дуун, псалма.]
Бүхы газар дэлхэй, Бурханиие магтагты!
2Нэрыень алдаршуулагты,
магтаал Тэрээндэ үргэгты!
3Бурханда иигэжэ хэлэгты:
«Хэрэгүүдтнай хэды һүрөөтэйб!
Агууехэ хүсэтэйт,
дайсадтнай Танай урда билдагуушална.
4Бүхы дэлхэй урдатнай һүгэдэн байг лэ!
Таниие магтаг, Танай нэрые алдаршуулаг!» [Хүгжэм]
5Бурханай юу хэһые харыт!
Хэһэн хэрэгүүдынь зондо айдаһатайл.
6Тэрэ далайе хуурай газар болгоо.
Хүлөөрөө бидэ гол гаталаабди,
урдань хүхилдэн баясахабди!
7Өөрын агууехэ хүсөөр Тэрэ хэтэдээ зонхилно,
үндэһэтэд нюдэн доронь!
Буһалгаашад бү бодог лэ!
8Арадууд, манай Бурханиие магтагты!
Магтаал Тэрээндэ шангаар үргэгты!
9Маанад дотор Тэрэ амиды гол байлгана,
буруу гэшхүүлнэгүй.

10Бурхан, Та маанадые туршаат,
мүнгэ хайлуулан сэбэрлэдэг мэтэ маанадые хайлуулан сэбэрлээт.
11Та маанадые урьхада оруулаат,
нюргандамнай ашаа үргэлүүлээт.
12Маанад дээрэ хүниие һуулгаат.
Гал, уһан дундуур гараабди,
гэбэшье Та маанадые баян элбэг газарта асараат.

13Нангин үргөө руутнай түгэс шатаалта үргэлтэй ерэхэб,
урдатнай тангаригаа бэелүүлхэб.
14Тэдэ тангаригуудые амаараа хэлээ бэлэйб,
гай тодхорой үедэ хэлээрээ үгэлэн үргөө бэлэйб.
15Түгэс шатаалта үргэл Танда үргэхэб,
тарган хусануудые үргэхэб,
буха, тэхэнүүдые үргэн шатаахаб. [Хүгжэм]
16Бурханһаа түбэгшөөгшэд бултадаа шагныта!
намда Тэрэ юу хээб гэжэ би хөөрэхэб.
17Амаараа би Тэрэниие дуудаа һэм.
Хэлээрээ Тэрэниие үргэмжэлөө һэм.
18Зүрхэ сэдьхэлдэм гэм буруу байгаа гээшэ һаань,
Эзэн намайе дуулахагүй һэн.
19Харин Бурхан намайе дуулаа,
зальбаралыем соносоо.
20Бурхан магтагдаха болтогой!
Тэрэ зальбаралым буруу хараагүй,
энэрэл хайрань намтай хамта!