‏ Psalms 71

1[Соломоон тухай.]
Бурхан, хаанда зүб шударгаяа,
хаанай хүбүүндэ үнэн зүбөө үршөөгыт.
2Арад түмэнииетнай тэрэ зүбөөр шүүжэ байг,
үгытэй зонойтнай зарга хэрэгүүдые зүб шударгаар шиидхэдэг байг.
3Хадаһаа зондо һайн байдал,
гүбээнүүдһээ үнэн зүб ерэг лэ.
4Ядуу зоной зарга хэрэгүүдые шиидхэг,
үгытэй хүнэй хүүгэдые абараг,
дарлагшые усадхаг лэ.
5Нара һарын яларан толорхо сагта
үеһөө үедэ Танһаа айн һүрдэжэ байг лэ.
6Тэрэ хатаһан үбһэ ногоон дээрэ бороодол,
газарай хүрьһэ уһалагша аадар мэтэ буужа ерэхэнь болтогой!
7Тэрэнэй үе сагта зүб шударга хүн сэсэг мэтэ һалбаран байг,
һарын туяарха сагта аза жаргал дэлгэрэн-билтаран байг.
8Тэрэ далайһаа далай хүрэтэр,
мүрэнһөө ▼

▼ Евфрат.

газар дэлхэйн заха хизаар хүрэтэр
захиран зонхилон байхань болтогой!
9Сул губиин амитад урдань һүгэдэн унажа,
дайсадынь тооһо шорой долёожо байг лэ.
10Таршиишэй болон олтирогуудай хаашуул алба татабари асараг,
Шэбаа болон Сэбаагай хаашуул бэлэг барин байг.
11Бүхы хаашуул урдань һүгэдэг лэ,
бүхы үндэһэ яһатан тэрээндэ алба хэг.

12Туһа эрин дуудажа байгааша үгытэйшүүлые, хэншье тэдээндэ туһалдаггүй – тиимэ ядуунуудые тэрэ абарха.
13Үгытэй ба ядуу хүниие тэрэ хайрлаха,
хооһон зондо тэрэ туһалха.
14Хүсэрхэлһөө болон дарлалтаһаа тэдэниие тэрэ абарха,
наһа бараха ушарыень хараха тэрээндэ хүндэ байха.
15Амиды мэндэ байхань болтогой!
Шэбаагай алта тэрээндэ асараг лэ!
Тэрэнэй түлөө хододоо зальбаржа,
үдэр бүри тэрэниие үреэн байхань болтогой!
16Орон нютагта таряа талхан элбэг-дэлбэг болохо,
хада уулануудаар, Ливаандал адли, жэмэсэй ургаса найган, баян байха,
хотонуудаар зон үбһэ ногоон мэтэ олон болохол.
17Нэрэнь хэтэ мүнхэдөө оршохонь болтогой!
Нарата дэлхэй дээрэ уг удамынь бү таһалдаг!
Бүхы арадуудта тэрэ үршөөл болохо,
жаргалтай гээд тэрэниие нэрлэхэл.
18Израилиин Эзэн Бурхан үршөөл магтаалтай.
Гансал Тэрэ гайхамшигта хэрэгүүдые хэдэг.
19Нэрэнь хэтэ мүнхэдөө үршөөл магтаалтай.
Алдар солоорнь бүхы дэлхэй дүүрэг лэ!
Болтогой! Болтогой!

20Ишайн хүбүүн Давидай зальбарал түгэсэбэ.