‏ Psalms 73

1[Асаапай ирагуу үгэнүүд.]
Бурхан, юундэ Та бидэниие хэтэдээ орхёобта?
Юундэ ууртнай Өөрын хонин һүрэгтэ дүрэлзөөд байнаб?
 2Эртэ урдаһаа оложо шэлэһэн зониие,
худалдан абаһан, Өөрын болгоһон обогые,
Өөрын байрлаһан Сион хадые һаныт.
 3Хэтэдээ һандарал болоһон газарта ерыт.
Эндэ нангин газарта дайсан бүхы юумэ һандаргаал.

4Танай заларһан газарта мүнөө дайсадтнай архиран байна.
Тэдэ өөрын тугуудые илалтын тэмдэг болгон бодхоо.
 5Энэнь хэн нэгэн ой модондо
һүхэеэ далайһан мэтэл.
 6Мүнөө тэрээн доторхи һиилүүр гоёолтонуудые
һүхэ, лантуугаар сабшан усадхажа байна.
 7Тэдэ нагин газарыетнай дууһан шатаагаа,
нэрынтнай оршодог газарые бузарлаа.
 8«Дууһан усадхая!» гэжэ шиидэн,
Бурханай заларагша бүхы газарнуудые дэлхэй дээр галдаа.

9Бидэ тэмдэгүүдээ бэшэ харанагүйбди, лүндэншэшье үгы,
хэр удаан иимэ байхые хэншье мэдэнэгүй.
 10Бурхан! Дайсан хэды болотор баһажа,
нэрыетнай хараал шэрээл болгон байхаб?!
 11Юундэ Та баруун гараа татаад байнабта?
Үбэрһөө гаргаад, тэдэниие усадхыт.

12Бурхан – эртэ урдын сагһаа минии Хаан,
дэлхэйн дунда абаралай ажал ябуулагша.

13Өөрын хүсэ шадалаар Та далайе хубаагаат,
уһан дотор могойнуудай тархи бута сохёот.
 14Та Левиатанай ▼
▼ Левиатан – эхи эмхигүй байдалай, муу муухайн һүлдэ, далайн абарга томо амитан. Тэрэниие Эзэн диилээ бэлэй.
 толгой бута сохёот,
сүл губиин арадуудта эдишэ болгон үгөөт.
 15Та горхон ба булагуудые урдахуулаат,
билтарма уһатай голнуудые хатаагаат.
 16Үдэр болон һүни Танай мэдэлэй,
һара, нара байгуулаат.
 17Газар дэлхэйн бүхы хилэнүүдые тогтоогоот,
зун, үбэлые бии болгоот.

18Эзэниие дайсанай баһадагые,
мунхаг зоной Танай нэрые хараадагые һаныт.
 19Тагтаагайнгаа ами наһа зэрлиг амитадта бү үгыт,
зобоһон зоноо хэтэдээ бү мартыт.
 20Хэлсээнтэй юу болоһые харыт!
Газар дэлхэйн харанхы булангууд хүсэрхэлөөр дүүрэнхэйл.
 21Дарлагдаһан хэн нэгэн эшхэбтэр байдалда оронхой бү бусаг,
үгытэй, ядуу зон нэрыетнай алдаршуулаг лэ.
 22Бурхан, бодожо, хэрэгээ аршалыт,
мунхаг хүнэй Таниие бүхэли үдэрөө хараажа байһые һаныт.
 23Дайсадайнгаа хашхаран байһые,
урдаһаатнай эсэргүүсэгшэдэй шууяа гаргадагые бү мартыт.
Copyright information for BxrBBL2024