‏ Psalms 79

1[Дуунай бүлэгэй хүтэлбэрилэгшэдэ: «Хэлсээнэй сараананууд» гэдэг аялга. Асаапай псалма.]
2Иосифой зониие хонин һүрэг мэтээр адуулагша
Израилиин хонишон, соносыт!
Херүүбүүд дээгүүр заларагша, Өөрыгөө харуулыт!
3Эпрааимай, Бэньямиинэй болон Мэнашшээгэй урда
Өөрын хүсые харуулыт,
Маанадые абархаа ерыт.
4Бурхан! Маанадые һөөргэнь бусаагыт!
Нюуртнай гэрэлтэг, бидэ абарагдахабди!
5Түмэн Сэрэгтэ Эзэн Бурхан!
Өөрын арад түмэнэй зальбаралда уурлахатнай хэды болтор юм?
6Та маанадые нулимсаар хооллуулжа,
нулимсаар ундалуулаат.
7Хүршэнэрэймнай наада энеэдэн болгоот,
дайсаднай маанадые баһана.
8Түмэн Сэрэгтэ Бурхан! Маанадые бусаагыт!
Нюуртнай гэрэлтэг, бидэ абарагдахабди.

9Египедһээ Та уһан үзэмэй мүшэр асараат,
бусад арадуудые үлдөөд, тэрэнээ һуулгаат.
10Та тэрээндэ газар хүрьһэ бэлдэжэ,
тэрэ һайнаар үндэһэлөө,
газар нютагые дүүргээ.
11Тэрэнэй һүүдэр хадые бүрхөөгөө,
мүшэрнүүдынь Бурханай хуша шэнги.
12Тэрэ мүшэрөө далай хүрэтэр,
һалаагаа мүрэн ▼

▼ Евфрат.

хүрэтэр һунган татаа.
13Харгыгаар ябагша бүхэн тэрээнһээ таһалхаар
юундэ Та тэрэнэй хашаа эбдээбта?
14Ойн бодон гахай тэрэниие ухан эдинэ,
хээрэ талын амитан тэрэниие хазан хооллоно.
15Түмэн Сэрэгтэ Эзэн! Хойшоо эрьеыт, тэнгэриһээ хаража,
анхарыт, энэ уһан үзэмэй мүшэр харыт.
16Өөрын гараар тариһан модоо аршалыт,
Өөртөө гэжэ бата бэхи болгоһон һалаануудаа дүнгыт.

17Тэрэ галда шатаагдааһан, сабшуулһан.
Танай урда дайсад һүнэг лэ!
18Танай гар баруун гар таладахи хүн дээрэтнай,
Өөрынгөө түлөө бата болгоһон хүн дээрэтнай байха болтогой!
19Бидэ Танһаа холо болохогүйбди.
Маанадые һэргээгыт, Танай нэрэ дуудахалди!
20Түмэн Сэрэгтэ Эзэн Бурхан!
Маанадые бусаагыт! Нюуртнай гэрэлтэг, бидэ абарагдахабди!