Psalms 8
1[Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Давидай псалма.]2Эзэн Бурхамнай!
Нэрэтнай дэлхэй дүүрэн һүр жабхалантай!
3Үхибүүдэй, нарай нялха хүүгэдэй аманһаа
Та Өөртөө магтаал дуудуулхат!
Дайсадай урдаһаа Та бүхэлэлтэ хээт,
үһөөгөө абагшыешье номгоруулаат.
4Танай бүтээһэн огторгой,
Танай байгуулһан һара, мүшэдые харанам.
5Хүн гээшэ юун бэ,
Яагаад тэрэниие Та һананабта?
Хүнэй хүбүүн юун бэ,
Яагаад Та тэрэниие анхарнабта?
6Ойро зуура тэрэниие Та Эльгээмэлнүүдһээ доогуур табяат,
алдар солоор ба нэрэ хүндөөр титимлээт.
7Танай бүтээлнүүд дээгүүр засаглаха эрхэ тэрээндэ олгуулаат,
ула доронь бүгэдые оруулаат:
8хони ямаадые, бухануудые, ан арьяатанииешье,
9огторгойн жэгүүртэниие, далайн уудамда тамардаг загаһадые…
10Эзэн Бурхамнай!
Нэрэтнай дэлхэй дүүрэн һүр жабхалантай!
Copyright information for
BxrBBL2024