‏ Psalms 82

1[Дуун. Асаапай псалма.]
2Бурхан! Дуугүй бү байгыт!
Абяагүй бү байгыт, бү бэеэ хуряагаад байгыта!
3Юуб гэхэдэ, дайсадтнай шууяа татана,
Таниие үзэн ядагшад толгойгоо үргөөд байна.
4Арад түмэнэйтнай урдаһаа хорото түсэб табижа,
Танда ехэ хайратай зүйлэй урдаһаа зүблэжэ байна.
5Тэдэ иигэжэ хэлэнэ: «Ошоод, арадуудай дунда
Израилиин нэрэшье дурдагдахаар бэшэ болотор тэдэниие усадхая».
6Тэдэ хоорондоо хэлсээтэй,
Танай урдаһаа хамтараа:
7эдоомууд майхангуудтаа, ишмаһээлүүд,
моһаабууд болон һагаарнууд;
8Гэбаал, Аммоон болон Амалээг,
Пилишт болон Тиирэй зон;
9Ассири тэдэниие дэмжээ,
Лоодой хүбүүдтэ тэрэ түшэгынь болоо.
10Тэдэнтэй Мидианда үйлэдэһэндэл адли,
Кишоон голой урасхалай хажууда
Сисэраа болон Ябиинда хэһэндэл шэнгеэр хандыт.
11Газарые хүрьһэжүүлэн үхэгшэ,
Эн-Доорто алагдаһан зондо мэтээр,
12тэдэнэй удамаршадта – Хирээ болон Шоно,
Зээбах болон Цалмуннаадал,
13«Бурханай нютагуудые эзэмдэе!» гэгшэдтэл,
14Бурхамни! Тэдэниие хамхуул үбһэндэл,
тэмээн халаахайдал адли болгыт.

15Галай ой модо шатаадагтал,
дүлэнэй хада уулые галдадагтал,
16Өөрын шуургаар тэдэниие хамыт,
Өөрын хуй һалхяар тэдэниие айлгыт.
17Нюурыень эшхэбэреэр дүүргыт!
Эзэн, тэдэ нэрыетнай бэдэрэг лэ!
18Хэтэ мүнхэдөө эшхэбтэр аягүй байдалда ороод байг!
Нэрээ хухалжа, хосорог лэ!
19Иигэжэ тэдэ Эзэн гэдэг нэрэтэй Тал гансаараа
бүхы дэлхэйн Дээдэ Бурхан гэжэ мэдэг лэ!