Psalms 94
1Ерэгты, Эзэндэ баяртай дуу дуулая,абаралайнгаа Хабсагайда баяртай шанга дуулалдая.
2Магтаал үргэн урдань зогсоё,
дуу дуулан алдаршуулая.
3Юуб гэбэл, Эзэн бол агууехэ Бурхан
бүхы бурхад дээрэ Агууехэ Хаан мүн.
4Гартань дэлхэйн гүн байна,
хадын орьёлнууд Тэрэнэй мэдэлэй.
5Далайшье Тэрэнэй, тэрэниие бүтээгээ шүү,
гарнуудынь хуурай газарые түхөөгөө.
6Ерэгты, мүргэе, доро дохиё,
бидэниие бүтээгшэ Эзэнэй урда унан мүргэе.
7Юуб гэбэл, Тэрэ манай Бурхан,
Тэрэнэй адуулдаг зон – бидэ,
гарайнь хүтэлһэн хонидбди.
Таанад мүнөөдэр Бурханай дуу дуулахадаа,
8Мэрибаада Бурханай урдаһаа үймөө татаһан үбгэ эсэгэнэртээл адли,
Массаада, сүл губида, болоһондол адли
үсэд зан бү гаргагты.
9Үбгэ эсэгэнэртнай
Минии үйлэ хэрэгүүдые хаража байһаншье һаа, Намайе тэндэ шалгаба
10дүшэн жэлэй туршада. Би тэрэ үеынхидтэ сухалдажа,
«Тэдэнэр ходо эндүүржэ ябадаг,
харгы замаарни ябадаггүй» гэжэ айладааб.
11Тиимэһээ Би уур сухалдаа
тэдэниие амаруулха гэһэн газартаа
хэзээшье оруулхагүйб гэжэ тангариглааб.
Copyright information for
BxrBBL2024