Song of Solomon 7
Иерусалим хотын басагад:1Эрьен хатара, Шуламмиит ▼
▼ Энэ үгын удхые ойлгохо хоёр арга гэбэл, нэгэдэхинь, «Шулам хотоһоо»; хоёрдохинь, «түгэс» гэһэн үгэ болоно.
басаган!Эрьелдэн хатара, маанадта хатараа харуулыш даа!
Хатаржа байгаа Шуламмиидые
олон басагад, эхэнэрнүүдэй дундаһаа
онсолон харахын ушар юун бэ?
Хүбүүн: 2Уг изагууртай басаган!
Шаахайтай хүлшни ямар гоёб!
Тойрог һайхан гуяшни
уран бэлигтэй дарханай
урлажа хэһэн бүтээл мэтэ.
3Түхэреэн һайхан хүйһэншни
холилдоһон жэмэсэй архяар
хэзээшье дундаршагүй хундага мэтэ.
Гоё һайхан бэлхүүһэншни
сараана сэсэгээр шэмээд,
хуряажа обоолһон шэниисэ мэтэ.
4Булай хөөрхэн хүхэншни
эхир хоёр инзаган мэтэ.
5Хүзүүншни заанай яһан самхаг мэтэ.
Нюдэншни Бат-Рабим хаалгын хажуудахи
Хэшбоон хотын сөөрэмэй
гүн уһан мэтэ тунгалаг.
Хамаршни Дамааск хотын дээгүүр
омог бардам шэртэһэн
Ливаан уулын орьёл мэтэ.
6Толгойшни Кармээл уула мэтэ
шам дээрэ заларна.
Ута хара үһэншни
наранай туяада алтарна.
Намирһан һайхан үһэндэшни
эзэн хааншье дурлана.
7Инагни! Ямар һайхан,
ямар дура буляама гоёбши даа!
8Уян һайхан бэешни
пальма модонтой сасуулмаар.
Булай хөөрхэн хүхэншни
үзэмэй дүүрэн багсадал.
9Пальма өөдэ абиржа,
жэмэсынь гартаа барихада,
уран хоёр хүхэншни
уһан үзэмэй багса мэтэ.
Анхилма һайхан амисхаалшни
алим жэмэстэл адлирхуу.
10Дуранай халуун уралшни
хамагһаа эрхим үзэмэй дараһан архидал мэтэ.
Басаган: Аманһаам гараһан үзэмэй дараһан архи
амараг шамайем баясаан,
урал шүдэнэйшни забһараар
урдан орохонь болтогой!
11Би өөрынгөө инагайхиб.
Ганса намайе тэрэ хүсэдэг.
12Инагни! Хээрэ хүдөө ошоод,
хинна сэсэгэй хангал доро
һүниин туршада жаргая.
13Үглөө эртэлэн бодоод,
уһан үзэмэй сэсэрлигтэ орожо,
сэсэгэй дэльбэ задаржа,
анар модоной сэсэглэхые
амараг шамтайгаа харая.
Тэндэ ошоод,
хайра дуранай дээдые
харамгүй үгэхэб шамдаа!
14Хүсэлэй гал бадарааха эдитэй
хайра дуранай алим анхилна.
Орохо хаалгын урдахана
дура буляама жэмэс байна.
Инагни! Хуушан, шэнэ гэлтэгүй,
хадагалжа нөөсэлһэн жэмэсһээ
хайрата шамда үгэхэлби!
Copyright information for
BxrBBL2024