1Ch 14:1-7 | BxrBBL2024 | STEP | Тиирэй хаан Хураам Давид руу элшэнэрые эльгээбэ. Тэдэ Ливаанай үнэтэ сэнтэй хуша модо асарба. Давидта ордон барижа үгэхэеэ модошо ба шулууша дархашуул тэдээнтэй хамта ерэбэ.

‏ 1 Chronicles 14:1-7

Давидай хүсэн ба баялиг

(2 Хаан 5:11-16; 1 Уг 3:5-8)

1 Тиирэй хаан Хураам Давид руу элшэнэрые эльгээбэ. Тэдэ Ливаанай үнэтэ сэнтэй хуша модо асарба. Давидта ордон барижа үгэхэеэ модошо ба шулууша дархашуул тэдээнтэй хамта ерэбэ. 2 Эзэнэй өөрыень Израилиин хаан болгожо баталһые, Өөрынь арад түмэн болохо Израилиин түлөө хаан түрыень дээрэ үргэлсэһые Давид ойлгобо.

3 Давид Иерусалимда шэнэ һамгадые абажа, үшөө хүбүүд, басагадтай болобо. 4 Иерусалимда түрэһэн тэрэнэй үхи хүүгэдэй нэрэнүүд гэбэл: Шаммууһа, Шобааб, Натаан, Соломоон, 5 Ибһаар, Элишууа, Элпээлэт, 6 Ноогаһ, Нээпэг, Япииһа, 7 мүн Элишамаа, Бээлиадаа, Элипээлэт.