2Ki 23:36-24:6 | BxrBBL2024 | STEP | Ёякиим хорин таба наһатайдаа хаан шэрээ эзэлжэ, арбан нэгэн жэлэй туршада Иерусалимда хааншалаа. Тэрэнэй эхэ Румаагай Пэдаяагай басаган Зэбудаа гэжэ нэрэтэй байгаа.

‏ 2 Kings 23:36-37

36 Ёякиим хорин таба наһатайдаа хаан шэрээ эзэлжэ, арбан нэгэн жэлэй туршада Иерусалимда хааншалаа. Тэрэнэй эхэ Румаагай Пэдаяагай басаган Зэбудаа гэжэ нэрэтэй байгаа. 37 Эзэн Бурханайнгаа урда тэрэ үбгэ эсэгэнэртэйгээл адли жэгшүүритэй муухай хэрэгүүдые үйлэдэдэг байгаа.

‏ 2 Kings 24:1-6

(2 Уг 36:5-8)

1 Тиихэдэ Вавилооной хаан Навуходоносор Иудын орон нютагта дайгаар добтолжо, Ёякиимые өөрынгөө мэдэл доро абаба. Ёякиим тэрээндэ гурбан жэлдэ алба хээд, эсэргүүсэн бодобо. 2 Тиихэдэнь Эзэн тэрэниие үгы хэхын тула вавилоонойхидой, араамшуудай, моһаабуудай болон аммоонуудай үй түмэн сэрэгүүдые иудынхидтэ эльгээбэ. Тиигэжэ Өөрынь барлаг болохо лүндэншэдээр айладаһан Эзэнэй үгэ бэелүүлэгдэбэ. 3 Мэнашшээгэй хэһэн бүхы нүгэлтэ үйлэ хэрэгүүдэй түлөө Эзэн иудынхидые Өөрһөө холо болгохо гэжэ шиидээ. 4 Ушар юуб гэхэдэ, Мэнашшээ ямаршье гэм зэмэгүй хүнүүдые алажа, тэдэнэй шуһаар Иерусалимые дүүргэһэн байгаа. Эзэн тэрэниие хүлисөөгүй.

5 Ёякиимэй бусад хэрэг ябуулганууд тухай «Иудын хаашуулай түүхын ном» соо бэшээтэй юм. 6 Ёякиим наһа баража, үбгэ эсэгэнэртээ ошобо. Тэрэнэй һүүлдэ Ехонияа хүбүүниинь орондонь хаан шэрээ эзэлбэ.