‏ 2 Kings 8:16-24

Иудын хаан – Иораам

16Израилиин хаан Ахаабай хүбүүн Ёраамай табан жэлдэ хаан байхада, тиихэдэ Ёшапаадай Иудын хан түрые захиржа байхада, Ёшапаадай хүбүүн Иораам Иудын хаан болобо. 17Тэрэ гушан хоёр наһатайдаа хаан боложо, найман жэлэй туршада Иерусалимда хаан шэрээдэ һуугаа. 18Иораам Ахаабай гэр бүлын ябадалаар, Израилиин хаашуулай замаар ябаба. Тэрэнэй һамган Ахаабай басаган байгаа. Тиимэһээ тэрэ муу жэшээ халан абажа, Эзэнэй урда нүгэлтэ хэрэгүүдые хэдэг байба. 19Харин Эзэн Өөрын зараса Давидһаа боложо иудынхидые хосороохогүйб гэһэн шиидхэбэри гаргаа һэн. Ушар юуб гэхэдэ, үеын үедэ уг удамынь хааншалан байха гэжэ Эзэн Давидые найдуулһан байгаа.

20Иораамай хааншалха үедэ Эдоомой арад зон буһалгаалжа, амяарлан, өөрын хааниие һунгаба. 21Иораам тэдээндэ харюу үгэжэ, өөрынгөө дайшалхы морин тэргэнүүдтэеэ хамта добтолгондо орохоёо Цаһиирта дүтэлбэ. Тэдэниие Эдоомой сэрэг бүһэлбэ, гэбэшье тэдэ һүниин туршада эдоомуудай сэрэгүүдэй хүреэниие бүһэлэн хүреэлөөд, тэдэниие, тэдэнэй дайшалхы тэргэнүүдэй дарганарые хюдан даража шадаа һэн. Гэбэшье Иудын сэрэгүүд өөһэдынгөө орон нютаг тээшэ тэрьедэн зугадаба. 22Тиигээд лэ эдоомууд иудынхидһаа таһараад, мүнөө болотор мэдэлдэнь ороогүй юм. Тиихэдэ Либнаа Иудаһаа амяараа болоо һэн.

23Иораамай бусад хэрэг ябадалнууд тухай «Иудын хаашуулай түүхын ном» соо бэшээтэй юм.

24Иораам үхэбэ. Тэрэниие Давидай хотодо элинсэг хулинсагайнь бунханда хүдөөлүүлбэ. Тэрэнэй орондо, тэрэнэй хүбүүн Ахазияа хан шэрээень эзэлбэ.
Copyright information for BxrBBL2024