2Ki 8:25-29 | BxrBBL2024 | STEP | Израилиин хаан Ахаабай хүбүүн Ёраамай арбан хоёр жэлдэ хан түрэеэ барижа байхада, Иораамай хүбүүн Ахазияа Иудын хаан болобо.

‏ 2 Kings 8:25-29

Иудын хаан – Ахазияа

25 Израилиин хаан Ахаабай хүбүүн Ёраамай арбан хоёр жэлдэ хан түрэеэ барижа байхада, Иораамай хүбүүн Ахазияа Иудын хаан болобо. 26 Ахазияа хорин хоёртойдоо хан шэрээдэ һуужа, нэгэ жэлэй туршада Иерусалимда засаглаба. Тэрэнэй эхэ Атаалияа Израилиин Омрии хаанай басаган һэн. 27 Ахазияа Ахаабай хүрьгэн байһан тула Ахаабай гэр бүлэдэл адляар хэрэгүүдые эрхилжэ, Эзэнэй урда нүгэл үйлэдэбэ.

28 Ахазияа Ахаабай хүбүүн Ёраамтай хамта Араамай хаан Хазаһээлтэй дайлалдахаяа Галаадай Рамоодто байлдаанда ошобо. Араамшууд тэндэ Ёраамые шархатуулба. 29 Хаан Ёраам Рамоодто Араамай хаан Хазаһээлтэй дайлалдахадаа араамшуудта шархатуулһан шархаяа эмшэлхэеэ Езрээл бусаба. Иудын хаан Иораамай хүбүүн Ахазияа шархатаһан Ахаабай хүбүүн Ёраамые эрьежэ, баһал Езрээл ерэбэ.