2 Samuel 21:18-22
18Тэрэнэй удаа Гообто пилиштүүдтэй үшөө нэгэ байлдаан болоо. Хушаа нютагтай Сиббэхай тиихэдэ абарга томо бэетэй Рэпаиимэй үри һадаһан Саап гэгшые алаа. 19Дахяад Гообто пилиштүүдтэй үшөө ондоо тулалдаан боложо, Бэтлэһээмэй хүн, Яһаар-Орэгиимэй хүбүүн Элханаан Гаадай хүн Голиаф гэгшые хюдан алаба. Голиафай жадын эшэ нэхэмэлшэдэй годоо модон мэтэ бүдүүн һэн. 20Гаадта дахин тулалдаанай болоходо, гар, хүлдөө зургаан хургатай, бүхыдөө хорин дүрбэн хургатай, абарга бэетэй эрэ хүн тэндэ байба. Тэрэ хүн баһал Рэпаиимэй үри һадаһан байгаа. 21Тэрэнэй израильшуудые доромжолон баһахада, Давидай аха Шимэйн хүбүүн Ёнатаан тэрэниие хюдан алаа һэн. 22Эдэ дүрбэн Гаадай абарга томо бэетэй Рэпаиимэй үри һадаһад байгаа, Давидта болон тэрэнэй хүнүүдтэ алуулаа.
Copyright information for
BxrBBL2024