‏ 2 Samuel 6:1-11

(1 Уг 13:1-14; 15:25–16:3)

1Давид Израилиин эрхим эрэшүүлые дахин суглуулба. Тэдэ гуша мянган суглараа. 2Давид зэһэжэ, херүүбүүд дээрэ заларагша Түмэн Сэрэгтэ Эзэнэй нэрээр нэрлэгдэһэн Бурханай ханзые асархаяа тэдэ зонтоёо хамта Иудын Баһалаа руу ябаба. 3Добо дээрэ байһан Абинадаабай гэрһээ абаашахын тула тэдэ Бурханай ханзые шэнэ тэргэ дээрэ табиба. Абинадаабай хүбүүд Уззаа, Ахиһоо гэгшэд Бурханай ханзатай тэрэ тэргэ хүтэлбэ, 4тиихэдэ Ахиһоо ханзын урдуурнь алхалан ябаа бэлэй. 5Давид болон бүхы израильшууд Эзэнэй урда хүхилдэн, бүхы шадалаараа дуу дуулажа, ятаг, лира, хэнгэрэг, тобшуур, сан дуугарган наадажа ябаа.

6Тэдэнэй Нахооной обииндо хүрэжэ ерэхэдэ, үхэрнүүдынь торожо, Бурханай ханзые хэлтылгэбэ. Уззаа тэрэ ханзада хүрэн, шүүрэн бариба. 7Эзэн тэрэ дары Уззаада уур хилэн боложо, Бурханһаа түбэгшөөхэгүй ябадалайнь түлөө тэндэнь һалгаажа, тэрэ Бурханай ханзын дэргэдэ гээгдэбэ. 8Эзэнэй Уззаае һалгааһанда Давид шаналаа бэлэй, тиигээд энэ газарые Пээрэц-Уззаа ▼
▼ Еврей хэлэн дээрэ «Уззаагай хэһээлтэ» гэһэн удхатай.
 гэжэ нэрлэбэ. Мүнөө болотор тэрэ иигэжэ нэрлэгдэдэг. 9Тэрэ үдэр Давид Эзэнһээ айн, иигэжэ хэлээ һэн:

– Эзэнэй ханзые яагаад өөртөө абаашахабиб даа?

10Тиигээд тэрэ Эзэнэй ханзые өөрын хото руу абаашахаяа зүрхэсөөд, Гаат хотын ажаһуугша Обээд-Эдоомой гэртэ тэрэниие шэглүүлбэ. 11Иигэжэ Эзэнэй ханза Гаат хотын хүн Обээд-Эдоомой гэртэ гурбан һара байба. Эзэн Обээд-Эдоомые ба бүхы гэр бүлыень юрөөбэ ха.
Copyright information for BxrBBL2024