2Sa 6:12-19 | BxrBBL2024 | STEP | Давид хаанда зон иигэжэ дуулгаба: – Бурханай ханзаһаа боложо, Эзэн Обээд-Эдоомой гэр бүлые болон хамаг юумыень юрөөгөө. Давид ошожо, Бурханай ханзые Обээд-Эдоомой гэрһээ Иерусалим руу баяртай абан ерэбэ.

‏ 2 Samuel 6:12-19

12 Давид хаанда зон иигэжэ дуулгаба:

– Бурханай ханзаһаа боложо, Эзэн Обээд-Эдоомой гэр бүлые болон хамаг юумыень юрөөгөө.

Давид ошожо, Бурханай ханзые Обээд-Эдоомой гэрһээ Иерусалим руу баяртай абан ерэбэ. 13 Эзэнэй ханзые үргэн ябаһан зоной зургаан алхам алхаха бүхэндэнь Давид үхэр болон тарган тугалаар үргэл үргэн байба. 14 Давид маалинга эфод үмдэнхэй, Эзэниие магтан бүхы шадалаараа бүжэглэбэ. 15 Иигэжэ Давид болон бүхы израильшууд шаг шууяа татан, эбэр бүреэ дуугарган, Эзэнэй ханзые тэлэн ябаба.

16 Эзэнэй ханзые Давидай хотодо оруулха үедэ Саулай басаган Михаал сонходо байгаад, Эзэнэй урда хатаран, баясан ябаһан Давидые харажархиба, тиигээд тэрэниие шоо үзэбэ. 17 Иигэжэ тэдэ Эзэнэй ханзые асаржа, Давидай зорюута тэрээндэ гэжэ бодхооһон майханай дунда, байрадань залаба. Давид Эзэндэ түгэс шатаалта болон амгалан тайбан байдалай үргэлнүүдые үргэбэ. 18 Тэрэ түгэс шатаалта ба амгалан байдалай үргэлнүүдые үргэжэ дүүргээд, Түмэн Сэрэгтэ Эзэнэй нэрээр арад зониие юрөөбэ. 19 Тиигээд тэрэ бүхы израильшуудта, эрэшүүл болон эхэнэрнүүдтэ нэгэ-нэгэ зүһэм хилээмэ, хатааһан финикиин лепёошхо, үзэмэй лепёошхо үгэбэ. Удаань хамаг зон гэр гэртээ хариба ха.