Luke 8:26-37
Иисүүс ада шүдхэрнүүдтэ барюулһан хүниие эдэгээбэ
26Тэдэнэр онгосоороо Галилей далайн нүгөө эрьедэ оршодог Гэрасаа хотын тушаа тамаржа ерэбэ. 27Иисүүсэй онгосоһоо буужа эрье дээрэ гарахада, досоогоо ада шүдхэрнүүдтэй хотын нэгэ хүн дайралдаба. Тэрэ хүн үнинэй хубсаһа хунар үмдэхэеэ, гэртэ байхаяа болёод, агы соохи үхээриин газарта байрладаг һэн ха. 28Иисүүсые хараһаар тэрэ хүн хашха хуугай табяад, хүлдэнь унажа: – Иисүүс, Дээдэ Бурханай Хүбүүн, би Танда ямар хамаатай хүнбиб? Намайе бү зобоогыт даа, ехэтэ гуйнаб! – гэжэ ори дуу табиба. 29Юундэ тиигээб гэхэдэ, Иисүүс тэрэ хүн сооһоо үтэр гара гэжэ ада шүдхэртэ захираа бшуу. Тэрэ хүнэй досоонь ада шүдхэр оло дахин шэгэжэ ородог байгаа. Хүнүүд тэрэ зоболонтые хүлеэдшье, гэнжэдэ һуулгаадшье, харууһалаадшье ядалсаа һэн. Досоонь ороһон ада шүдхэр гэнжыень таһа татаад, тэрээниие эзэгүй хооһон газарта намнажа абаашадаг байгаа. 30– Нэрэшни хэн бэ? – гэжэ Иисүүс тэрээнһээ һураба. – Үй түмэн, – гэжэ тэрэ харюусаба. Юундэб гэхэдэ, тоогүй олон ада шүдхэрнүүд тэрэ хүнэй досоонь орожо байрлаа бшуу. 31– Маниие тамын оёоргүй нүхэ руу оро гэжэ бү баалыт даа, – гэжэ ада шүдхэрнүүд Иисүүсые гуйжа оробо. 32Ехэ һүрэг гахай хадада бэлшэжэ ябаа. – Тэдэ гахайнуудта шэгэжэ орохыемнай зүбшөөгыт даа, – гэжэ ада шүдхэрнүүд Иисүүсые гуйба. Иисүүс зүбшөөгөө һэн. 33Хүнэй бэеһээ гараад, ада шүдхэрнүүд гахайнууд руу оробо. Гахайн һүрэг гүйлдэжэ, эгсэ эрье дээрэһээ далай руу һүрэжэ, уһанда шэнгэшэбэ. 34Гахай адуулагшад тиимэ юумэ хараад, тэндэһээ гүйлдэжэ, хото хүдөөгөөр үзэһэнөө хөөрэбэ. 35Юунэй болоһые харахаяа хүн зон ерэхэдээ, ада шүдхэрөө гаргуулжа, элүүр ухаантай, эдэгэһэн хүнэй хубсаһа хунараа үмдэнхэй, Иисүүсэй хүлдэ һуухые хараад, айн һүрдэбэ. 36Досоогоо ада шүдхэртэй хүнэй яажа эдэгэхые хараһан хүнүүд ерэһэн зонтой һониноороо хубаалсаба. 37Тэнсэлгүйгөөр айн һүрдэһэн Гэрасаагай бүхы зон Иисүүсые нютагһаань гаража ябахые гуйба. Иисүүс онгосодоо һуужа, Галилейдээ бусаба.
Copyright information for
BxrBBL2024