Mar 6:45-51 | BxrBBL2024 | STEP | Тиигээд Иисүүс шабинараа онгосодо һуулгажа, нуурай нүгөө бэедэ оршоһон Бэтсаидаа хото руу Өөрһөөнь түрүүлэн тамархыень захирба. Харин Өөрөө улад зоной таратар үлөө бэлэй.

‏ Mark 6:45-51

Иисүүс уһан дээгүүр ябана

45 Тиигээд Иисүүс шабинараа онгосодо һуулгажа, нуурай нүгөө бэедэ оршоһон Бэтсаидаа хото руу Өөрһөөнь түрүүлэн тамархыень захирба. Харин Өөрөө улад зоной таратар үлөө бэлэй. 46 Зоной тарахада Иисүүс хада өөдөө зальбархаяа гараба. 47 Үдэшэ болоходо Тэрэ үнөөхи газартаал гансаараа байба, харин шабинарынь онгосоороо далайн тэгэндэ хүрэжэ байгаа. 48 Урдаһаань үлеэһэн һалхинтай тулалдажа байһан шабинараа харахадаа, Иисүүс һүниин дүрбэдэхи харуулай үеэр ^{▼▼ Мүнөөнэйхеэр һүниин гурбан сагһаа үглөөнэй зургаан саг болотор.} уһан дээгүүр ябаад, шабинартаа ошобо. 49 Тэрэнэй уһан дээгүүр ябаһыень хараһан шабинарынь сошожо, хии үзэгдэл гэжэ һанаад, айһандаа хашхаралдаба, 50 ухаа алдаба. Зүгөөр Иисүүс тэдэндэ:

– Зоригтой байгты. Энэ Биб, бү айгты, – гэбэ. 51 Тиигээд Иисүүсэй шабинарайнгаа онгосодо һуухатайнь сасуу һалхин намдаба. Харин шабинарынь гайхахын ехээр гайхаба.