‏ Mark 6:7-13

7Тэрэ арбан хоёр шабинараа дуудаад, ада шүдхэрнүүдые дараха эрхэ засаг олгон, хоёр хоёроорнь иишэ тиишэнь эльгээбэ. 8Тиигэхэ зуураа тэдэндээ иимэ захяа үгэбэ:

– Замдаа гансал тулга таягтай гараарайгты. Эдихэ юумэшье, туулмаг сүүмхэшье, алта мүнгэшье абаад ябаха хэрэггүй. 9Сандаали үмдөөд ябагты, һэлгэхэ хубсаһа абаад ябаха хэрэггүй. 10Ямар нэгэн гэртэ уригдаһан байбал, хотоһоо гаража ошотороо тэрэл айлдаа байха ёһотойт. 11Хэрбээ ямар нэгэ нютагта таанадые угтажа абаха дурагүй гү, али хэлэһыетнай дуулаха дурагүй байбал, хүлдэтнай халдаһан тооһо һэжэрэн дурагүйлхэһэнөө мэдүүлээд, тэрэ нютагһаа гаража ошогты.

12Тиихэдэнь элшэнэр замда мордожо, нүгэлөө орхёод, Бурханда хандагты гэжэ хүн бүхэндэ номнобо. 13Тэдэнэр ада шүдхэрнүүдые олоор гаргажа, үбшэн зониие олива тоһоор түрхеэд, эдэгээбэ.
Copyright information for BxrBBL2024