‏ Matthew 20:29-34

Иисүүс хоёр һохор хүниие эдэгээбэ

29Иисүүсэй шабинартайгаа Ерихоонһоо гаража ябахада, тэдэнэй хойноһоо үй түмэн зон дахажа ябаба. 30Тэрэ үедэ харгын захада һууһан хоёр һохор хүн хажуугаарнь Иисүүсэй гаража ябаһан тухай дуулаад:

– Эзэн, Давидай үри һадаһан, маниие үршөөжэ хайрлыт! – гэжэ хашхаралдаба. 31Улад зоной тэдэ хоёрто дуугүй бологты гэбэшье, тэдэ хоёрынь бүри шангаар:

– Эзэн, Давидай үри һадаһан! Маниие үршөөн хайрлыт, – гэжэ хашхаралдаба.

32Иисүүс зогсожо, тэдэниие дуудаад:

– Таанад Намһаа юу хүсэнэбта? – гэжэ һураба.

33Тэдэ хоёрынь:

– Эзэн! Хараатай болохые хүсэнэбди, – гэжэ харюусаба.

34Иисүүс тэдэниие хайрлажа, нюдэдтэнь халта хүрөөд абаба. Тэрэ дороо нюдэдынь харадаг боложо, тэдэ хоёр Иисүүсэй хойноһоо ябаба.
Copyright information for BxrBBL2024