Isa 2:2-4, Mic 4:1-3 | CYM | STEP | Yn y dyfodol, bydd mynydd teml yr Arglwydd wedi ei osod yn ben ar y mynyddoedd eraill, a'i godi'n uwch na'r bryniau. Bydd y gwledydd i gyd yn llifo yno,

Isaiah 2:2-4

2 Yn y dyfodol, bydd mynydd teml yr Arglwydd
wedi ei osod yn ben ar y mynyddoedd eraill,
a'i godi'n uwch na'r bryniau.
Bydd y gwledydd i gyd yn llifo yno,
3 a llawer o bobl yn mynd yno a dweud:
“Dewch! Gadewch i ni ddringo Mynydd yr Arglwydd, ^{▼▼2:3 Mynydd yr Arglwydd Mynydd Seion, y bryn yn Jerwsalem lle roedd y deml wedi ei hadeiladu.}
a mynd i deml Duw Jacob,
iddo ddysgu ei ffyrdd i ni,
ac i ninnau fyw fel mae e am i ni fyw.”
Achos o Seion y bydd yr arweiniad yn dod,
a neges yr Arglwydd o Jerwsalem.
4 Bydd e'n barnu achosion rhwng y cenhedloedd ^b
ac yn setlo dadleuon rhwng pobloedd lawer.
Byddan nhw'n curo eu cleddyfau yn sychau aradr
a'u gwaywffyn yn grymanau tocio.
Fydd gwledydd ddim yn ymladd ei gilydd,
nac yn hyfforddi milwyr i fynd i ryfel. ^c

Micah 4:1-3

1 Yn y dyfodol, bydd mynydd teml yr Arglwydd
wedi ei osod yn ben ar y mynyddoedd eraill
a'i godi'n uwch na'r bryniau.
2 Bydd y gwledydd i gyd yn llifo yno
a llawer o bobl yn mynd yno a dweud:
“Dewch! Gadewch i ni ddringo Mynydd yr Arglwydd, ^{▼▼4:2 Mynydd yr Arglwydd Mynydd Seion, y bryn yn Jerwsalem lle roedd y deml wedi ei hadeiladu.}
a mynd i deml Duw Jacob,
iddo ddysgu ei ffyrdd i ni,
ac i ninnau fyw fel mae e am i ni fyw.”
Achos o Seion y bydd yr arweiniad yn dod,
a neges yr Arglwydd o Jerwsalem.
3 Bydd e'n barnu achosion rhwng y cenhedloedd ^e
ac yn setlo dadleuon rhwng y gwledydd mawr pell.
Byddan nhw'n curo eu cleddyfau yn sychau aradr
a'u gwaywffyn yn grymanau tocio.
Fydd gwledydd ddim yn ymladd ei gilydd,
nac yn hyfforddi milwyr i fynd i ryfel. ^f