Psa 119 | CheCAC2012 | STEP | Делан цӀийне хьалаволучу новкъахь олу назма. Сайна бохам баьллачу дийнахь Везачу Эле орца даьккхира аса, ткъа Цунна со дӀа а хезира.

‏ Psalms 119

ГӀо дар доьхуш долу доӀа

1 ^{▼▼ Корта 119 (Грекийн) – Ӏебархойн меттан тептар тӀехь: 120.} Делан цӀийне хьалаволучу новкъахь олу назма. Сайна бохам баьллачу дийнахь
Везачу Эле орца даьккхира аса,
ткъа Цунна со дӀа а хезира.
2 Веза Эла! КӀелхьардаккхахьа сан са
харцлуьйш болчу нехан маттах,
эладита лелочеран харцонах.

3 Ва харцонца ледеш дерш!
Дала шуна хӀун дийр ду те?
Цо шуна стенца таӀзар дийр ду те?
4 ТӀемалочун ирачу пхарца а,
жӀоламах богуш болчу кӀегаца а
Цо таӀзар дийр ду шуна.

5 Бала бу соьгахь машахахой санначарна уллохь вехаш хиларна,
иштта къедархой ^{▼▼Машахахой... къедархой – Машахара а, Къедарара а нах диндоцу акха нах санна лоруш бара.} санначеран четаршна юкъахь вехаш хиларна а.
6 ТӀехдукха ваьхна со
машар ца безачарна юкъахь.
7 Со машаре стаг ву,
амма со вистхуьллушехь,
уьш тӀамана кийча хуьлу.