Psa 86 | CheCAC2012 | STEP | Кхорахьан тӀаьхьенан назма.

‏ Psalms 86

Ярушалайм хастор

1 ^{▼▼ Корта 86 (Грекийн) – Ӏебархойн меттан тептар тӀехь: 87.} Кхорахьан тӀаьхьенан назма. 2 Везачу Элан цӀийнан бух дезачу лаьмнашкахь бу.
Якъубан тӀаьхьенан массо а Ӏаш йолчу меттигал а
Цийонан кевнаш Везачу Элана дукха деза.
3 Ва Делан гӀала, хьох лаьцна
сийлахь хӀуманаш олуш ду:

4 «Со вевзачу къаьмнашна юкъахь Ас хьахор ду
Мисаран ^{▼▼Мисар – ма-дарра аьлча: «Рахьаб». Мисаран байташ тӀехь лелош йолу цӀе ю иза.} къам а, Бавелан къам а.
ПӀелаштамхойх а, цорахойх а, хушахойх а лаьцна
эр ду, уьш Сан гӀалахь бина бу аьлла».

5 Ткъа Цийонах лаьцна бохур ду:
«ХӀара а, важа а цигахь вина,
Веза Воккхачу Дала Ша иза чӀагӀйийр ю».
6 Къаьмнаш тӀеяздинчу тептар тӀехь
Везачу Эло дӀаяздийр ду:
«ХӀара цигахь вина», – аьлла.
7 Эшарш а лоькхуш, хелхарш дечара эр ду:
«Цийонера ду сан мел долу беркат».