1Ch 16:8-22 | CheCAC2012 | STEP | Баркалла ала Везачу Элана! Цуьнан цӀарна хастамаш бе! Довзийта халкъашна Цуьнан гӀуллакхаш.

‏ 1 Chronicles 16:8-22

Даудан баркаллин назма

(Забур 104:1-15; 95:1-13; 105:1, 47, 48)

8 Баркалла ала Везачу Элана!
Цуьнан цӀарна хастамаш бе!
Довзийта халкъашна Цуьнан гӀуллакхаш.
9 Иллеш ала Цунна, пондарш лакха Цунна.
Дерриг а Цуьнан тамашийначу гӀуллакхех лаций дӀадийца.
10 Дозалла де Цуьнан езачу цӀарах!
Веза Эла лоьхучийн дегнаш самукъадолуш хуьлийла!
11 Веза Эла а, Цуьнан ницкъ а лаха,
гуттар Цунна уллохь хила гӀерта.
12 Дагахь латтаде Цо дина тамашийна гӀуллакхаш а,
Цо гайтина билгалонаш а, Цо йина кхелаш а,
13 ва Цуьнан ялхо хиллачу ИбрахӀиман хӀух дерш,
Цо хаьржина хиллачу Якъубан тӀаьхьенах дерш!
14 Веза Эла волу Иза вайн Дела ву.
Цуьнан кхелаш массо а лаьттахула ю.
15 Цо даим дагахь латтор бу Шен барт,
эзаран барамехь йолчу тӀаьхьенашна Ша делла дош,
16 ИбрахӀимца Ша бина болу барт,
Исхьакхана, чӀагӀо а еш, Ша дина ваӀда.
17 ^aЦо Якъубана иза чӀагӀдира парз санна,
Исраилана ^{▼▼Исраил – и ву Якъуб.} – гуттаренна а болу барт санна.
18 Цо аьллера: «Хьуна лур ду Аса канаӀанхойн латта,
и дакъа хьуна шерет санна кхочур ду».

19 Церан терахь цу хенахь дуккха а ца хилла,
кӀезиг а болуш, уьш махкахь тӀебаьхкина Ӏаш хилла.
20 Уьш дӀаоьхура цхьа къам долчуьра важа къам долчу,
цхьана пачхьалкхера кхечу халкъан пачхьалкх йолчу.
21 ^cДала цхьанна а бакъо ца лора уьш бацо,
церан дуьхьа Цо паччахьашка дӀахьедар дора:
22 «Ас къобалбинчарах дӀа ма хьакхалолаш,
Сан пайхамаршна зулам а ма делаш».