Mar 14:27-31 | CheCAC2012 | STEP | Шен мурдашка Ӏийсас элира: «Аша массара а Со дӀатосур ву, хӀунда аьлча яздина ду: „Ӏуьнна чов йийр ю Аса, ткъа уьстагӀий дӀасадовдур ду“,

‏ Mark 14:27-31

Ӏийсас хьалххе дӀахоуьйту Кипас Ша дӀатосург хилар

(Маттай 26:31-35; Лака 22:31-34; Яхьъя 13:36-38)

27 ^aШен мурдашка Ӏийсас элира: «Аша массара а Со дӀатосур ву, хӀунда аьлча яздина ду: „Ӏуьнна чов йийр ю Аса,
ткъа уьстагӀий дӀасадовдур ду“, – аьлла».

28 ^b«Амма веллачуьра денвеллачул тӀаьхьа Галилай-махка шул хьалха кхочур ву Со».

29 Кипас элира Ӏийсага: «Массара дӀатесча а, ас-м вуьтур вац Хьо».

30 ТӀаккха Ӏийсас элира цуьнга: «Баккъалла а боху хьоьга: тховса, шозза нӀаьна кхайкхале, кхузза Сох дӀакъаьстар ву хьо».

31 Амма Кипас, кхин а чӀагӀдеш, элира: «Сан Хьоьца вала дезахь а, со цкъа а Хьох дӀакъаьстар вац». Изза вукхара а элира.