Matthew 22:34-40
Муьлха ду Дала тӀедиллинчу гӀуллакхех коьртаниг?
(Марк 12:28-34; Лака 10:25-28)
34Цо садукъой Шен жоьпаца ала хӀума а доцуш битина хилар шайна хиъча, парушхой цхьаьна гулбелира. 35Царах волчу цхьана Ӏеламчу стага, Ӏийса зерхьама, Цуьнга хаьттира: 36«Устаз, товратан хьехамашна тӀехь уггар хьалха тӀедиллина долу гӀуллакх муьлха ду?» 37 aЦо жоп делира: «„Хьайн Веза Дела доггах, доллучу синца, дерриг а хьекъалца веза“. 38Иза уггар хьалхара, уггар лакхара тӀедиллина гӀуллакх ду. 39 bЦунах терра шолгӀа тӀедиллинарг а ду: „Хьайн уллораниг хьо санна веза“. 40 cТоврат тӀера бина берриге а хьехамаш а, пайхамарша яздина дерриге а Дала тӀедиллинчу оцу шина гӀуллакх тӀехь лаьтташ ду».
Copyright information for
CheCAC2012