Matthew 22:34-40
Чи аслӑ пил-хушу
(Мк. 12:28-34; Лк. 10:25-28)
34Иисус саддукейсен ҫӑварне хуплани ҫинчен илтсен фарисейсем пӗр ҫӗре пухӑннӑ. 35Вӗсенчен пӗри, саккун вӗрентӳҫи, Ӑна илӗртсе тӗрӗслес тесе ҫапла ыйтнӑ: 36«Вӗрентекен, саккунри чи аслӑ пил-хушу хӑшӗ?» 37Иисус вара ӑна каланӑ: «„Хуҫа Турруна пӗтӗм чӗререн, пӗтӗм чунран, пӗтӗм ӑс-халтан юрат“. 38Ҫакӑ – чи малтанхи тата чи аслӑ пил-хушу. 39Иккӗмӗшӗ те ҫавнашкалах аслӑ: „Ҫывӑх ҫыннуна хӑвна юратнӑ пек юрат“. 40Моисей саккунӗпе пророксен сӑмахӗ пӗтӗмпех ҫак икӗ пил-хушу ҫинче никӗсленсе тӑрать».
Copyright information for
ChvIBTNT