Psa 13 | CkbKSS | STEP | ئەی یەزدان، هەتا کەی؟ بە تەواوی لەبیرم دەکەیت؟ هەتا کەی ڕووی خۆتم لێ وەردەگێڕیت؟

‎ Psalms 13

بۆ سەرۆکی کۆمەڵی مۆسیقاژەنان،
زەبوورێکی داود.

1 ^{▼▼13:1 in some Bibles.} ئەی یەزدان، هەتا کەی؟ بە تەواوی لەبیرم دەکەیت؟
هەتا کەی ڕووی خۆتم لێ وەردەگێڕیت؟
2 ^{▼▼13:1 in most Bibles.} هەتا کەی ڕۆژانە دەروونم ڕاڕا بێت و
خەفەت لەناو دڵم کۆبکەمەوە؟
هەتا کەی دوژمنم بەسەرمدا زاڵ بێت؟

3 ^{▼▼13:2 in most Bibles.} ئەی یەزدان، خودای من، سەیرم بکە و بە دەنگمەوە وەرە،
چاوم ڕۆشن بکەرەوە، نەوەک خەوی مەرگم لێبکەوێت،
4 ^{▼▼13:3 in most Bibles.} نەوەک دوژمن بڵێت: «بەسەریدا زاڵ بووم،»
نەوەک ناحەزەکانم بە کەوتنی من شادمان بن.

5 ^{▼▼13:4 in most Bibles.} بەڵام من پشتم بە خۆشەویستییە نەگۆڕەکەت بەستووە،
دڵم بە ڕزگاریی تۆوە خۆشە.
6 ^{▼▼13:5-13:6 in most Bibles.} سروود بۆ یەزدان دەڵێم،
چونکە چاکەی لەگەڵ کردووم.