James 5
Mbari ala Ndzǝ nam Bǝrba
1Kulini siyamɛ thlǝmɛ, gǝri nam ndzǝ bǝrba, tuwamɛ aka sǝmwai kadǝbar dzaukur kalɛ nam ata si ata kǝra gǝri. 2 aGabakar gǝri kǝ yiɗantadzi, ba pathlathla kǝ ɗǝnya kari gǝri yarɛ. 3Dinar ba lǝpilar gǝri kǝlamku ɗǝnya, ɗǝr kǝlamku ni ata ndzai sakǝida ata kǝra gǝri ba ata ɗǝ kumǝr dzá gǝri apa u’u. Gǝri tsaɓtsǝni gǝna akwa vǝri yarɛ nam nǝr dǝnta ni. 4 bTsǝfǝr ndzǝ nam tara ‘ya kǝthlǝr ala gǝri akwa fwakǝr gǝri yarɛ nam tǝ gǝri ngǝla nkyǝ ni ada tuwa ata kǝra gǝri. Tuwar ndzǝ nam tara fati ala gǝri alivi kariyir fwakǝr gǝri kǝ tsǝbti thlǝma Thlaku nam ɓwaltasang ni. 5Gǝri ndzai akwa dunya ni tǝ gǝri akwa nga sǝɗa ba ɓui ala kǝr gǝri kǝlara sǝ nam tǝ gǝri bara. Gǝri tǝksani kǝr gǝri akuya ka vǝr thla wuya. 6Gǝri thlakǝr hakar tsa ala ndzi ba aibai, kurnta ndzǝ nam kura aka aibai, ndzǝ nam kura ta kanti ala gǝri whalɛ.Kǝl Kǝmar akwa Sa Bwanai
7Ka gǝri kǝl kǝmar, dzá, madar mama kaka nkwaiyir mama yarɛ, har ka la vǝr siyir Thlaku ni. Wulamɛ whal nam tǝ ndǝr tsǝwhɛ ada sǝkɛ ka dai ni yai munya nam ɗa ba whal nam tǝ dzǝ ‘ya kǝmar ka sǝkǝ yimǝr andal ba yimǝr dǝnta ni. 8Gǝri yɛ, ka gǝri kǝl kǝmar ba ka gǝri hyati ɓaɓal, kadǝbar siyir Thlaku ni kǝ ‘ya kudzǝghɛ. 9Madar mama kaka nkwaiyir mama yarɛ, ta gǝri ta huhuni ata kǝra kǝma gǝri, adi ahani wɛ ndǝ ata ‘ya ala gǝri haka. Ndǝr ‘ya haka ni dzǝ ada hyati abǝla nyavǝr! 10Madar mama kaka nkwaiyir mama yarɛ, wulamɛ sǝr tsǝlɛ nǝr kǝl kǝmar akwa sa bwanai, apa tǝ nabi yarɛ nam tara ndǝrɛ akwa thlǝma Thlaku ni. 11 cApa tǝ gǝri zǝndi, yar ɗǝngati barkar ndzǝ nam tara ɓati. Gǝri ngati ata kǝra ɓati sǝr Ayuba ba gǝri wula sǝ nam tǝ Thlaku tara siya lari ata dǝnta. Akuya Thlaku ni dzǝ ghǝi-ghǝi aka kalhur ba kǝtǝrdzi. 12 dAma sǝ nam tara kwatsǝni sang su, madar mama kaka nkwaiyir mama yarɛ, ta gǝri ta mbǝrɛ mai—wala aka vui nam atahyal, wala aka dunya, wala aka kǝlara su damwa. Ngyar ka “Ar gǝri” ndzai a, ba “A’ár gǝri” ndzai a’a, ma adi ahani wɛ gǝri ata lǝkwa hakar Hyal.Aduwa nǝr Hamnta Dzǝri ni
13Ndɛ laka adai akwa ntsa gǝri nam aka bwanai ya? Ka dzǝ ‘ya aduwa. Ndɛ adai akwa ntsa gǝri aka kutsari ya? Ka dzǝ ‘ya har hǝmɛ yarɛ ala Hyal. 14 eNdɛ adai kura kalang akwa ntsa gǝri ya? Ka dzǝ kǝga ndzǝ nam ngganggar ikǝlizǝya ka dar ‘ya aduwa ata kǝrari ba ka dar pukǝr mal alari akwa thlǝma Thlaku ni. 15Ba aduwa nam tǝ ndɛ tara ‘ya akwa hamnta dzǝri ata mbǝti ndǝ kura kalang ni; Thlaku ni ata hyanti tǝni. Ma dzǝ ‘yati sǝr biku, dzǝ ata ɓui kyifǝnta biku. 16Kadǝbar ǝni ka gǝri nkǝrba bikǝr gǝri yarɛ ala kǝma gǝri ba ka gǝr ‘ya aduwa ala kǝma gǝri, ani ka gǝri ata ɓui mbǝti dzi. Aduwar ndɛ nam kal-kal akǝma Hyal aka dǝna ba ada ‘yati sǝ hang. 17 fIliya dzǝ ndɛ tsu apa muri. Tǝ dzǝ ndzai aka dǝna akwa ‘ya aduwa apǝri ta yimi ta ntǝɗi, ba ani ‘ya fa makǝr aka raita, yimi adi ta ntǝɗi ata dai wɛ. 18 gKadamwa dzǝ ‘ya aduwa, ba vui yarɛ nam atahyal ni si aka yimi, ba sǝ yarɛ nam ada ntsǝ ata dai ɓakta ntsǝ kadamwa. 19Madar mana kaka nkwaiyir mana yarɛ, ma duku akwa ntsa gǝri kǝ pǝranta ka ngyar whalǝr dzǝrkur, ba ma ndǝ laka ɓakta si aka dza, 20 hka dzǝ zǝndi apǝri: kǝlara ndɛ nam tara kǝlba ndǝr biku ta whalǝr sǝwa sǝ nam tǝ dzǝ akwa dzǝ ata mbati tǝni ta nti ba dzǝ harti biku yarɛ hang.
Copyright information for
CklSC