Mat 9:1-8 | CklSC | STEP | Yɛsu ka lǝkwa sar, dzǝ ka mwari alǝba tǝbwa ǝnda manda ka lǝkwa Kafarnahum, ani diyirni.

‏ Matthew 9:1-8

Yɛsu Mbǝti Ngurngudi

(Mar 2:1-12; Luk 5:17-26)

1 Yɛsu ka lǝkwa sar, dzǝ ka mwari alǝba tǝbwa ǝnda manda ka lǝkwa Kafarnahum, ani diyirni. 2 Ndzǝ laka ka siya kǝr alari ngurngudi laka ada pi ata butsi. Sakatǝ Yɛsu wuti hamnta dzǝrǝr dar, “Ta gǝ ɗǝnga, zǝrna; ndǝ kǝ kyifǝnta ala gǝ bikǝr ngɛ.”

3 Antǝ ndzǝ laka akwa ntsa malǝmǝr mabari yarni ka nkǝrɛ ala kǝma dar, “Ndɛ ǝni kǝ rutsǝni Hyal.”

4 Ama akuya tǝ Yɛsu tara zǝndi ɗǝngar dar, dzǝ ka nkǝrɛ, “Kami tǝ gǝri ada ɗǝnga nam kulɗa akwa ɗǝfa gǝri? 5 Madi ani kǝsǝkai: ka ndǝ nkǝrɛ, ‘Yi kyifǝnta ala gǝ bikǝr yarɛ,’ kǝna ka ndǝ nkǝrɛ, ‘Hyati ka gǝ mwari’? 6 Ama ani ka gǝri zǝndi apǝri Zǝr Ndɛ aka wada akwa dunya ka dzǝ kyifǝnta biku yarɛ....” Antǝ dzǝ ka nkǝrɛ ala ngurngudi ni, “Hyati, ka gǝ kǝtǝ butsǝr ngɛ ka gǝ tǝra livi.” 7 Ndɛ ni ka hyati ka tǝra alivi. 8 Sakatǝ dlamiyir ndzi tara wula ǝni, dar ka ndatǝdzi, ani dar ka hǝm Hyal nam tara la dzǝli wada ni ala ndzi.