Joh 11:45-53 | CklSC | STEP | Kadǝbar apani, ndzǝr Yahudi nam tara si hangkurari ka puntsɛ ala Maryamu nda, ba tara wula sǝ nam tǝ dzǝ ‘ya, dar ka hamnta dzǝri alari.

‏ John 11:45-53

Sawariyir Tsa Yɛsu

(Mat 26:1-5; Mar 14:1-2; Luk 22:1-2)

45 Kadǝbar apani, ndzǝr Yahudi nam tara si hangkurari ka puntsɛ ala Maryamu nda, ba tara wula sǝ nam tǝ dzǝ ‘ya, dar ka hamnta dzǝri alari. 46 Ama laka dar ka mwara dzǝ ndzǝr farisi yarɛ, ka nkǝrɛ ala dar sǝ nam tǝ Yɛsu tara ‘ya. 47 Kadǝbar ǝni antǝ nggar fǝrist yarni kaka ndzǝr Farisi ka kǝga Ndzǝr Hakar Yahudi.

Dar ka nkǝrɛ, “Ka sǝr mi tǝ muri awa ‘ya? Tǝ ndǝ ni ada ‘ya parsu nǝr ndatǝdzi hang ni. 48 Ma apǝri mur ngyar tǝni tǝ dzǝ ada ‘ya apani, sanga ndzǝ ata mbǝrsa akwa dza, antǝ ndzǝr Rauma ata si ka whuzanta fǝr Hyalǝr muri kaka ndzǝr muri.”

49 Ama pathla dar, thlǝmari Kayafas, nam ani kuhyir fǝrist akwa fá nda, ka nkǝrɛ ala dar, “Gǝr, gǝri ta zǝndi mima wɛ! 50 Gǝri ta zǝndi apǝri, kudzǝ ala gǝri ka ndǝ duku nti ata nyar ndzi, alaka tǝ sanga ndzi awa kurntadzi.”

51 Adi aka ɗǝngar ni tǝ dzǝ nkǝrɛ apani wɛ, ama kadǝbar dzǝ ani kuhyir fǝrist akwa fá nda, Hyal ndǝrɛ atarni apǝri Yɛsu ata nti kadǝbar ndzǝr Yahudi, 52 ba adi akuya ka ndzǝr muri ɗiɗi wɛ, ama tsuwɛ ka madar Hyal nam tara kikilntadzi, ka dzǝ tsaɓtsǝni tǝ dar ka dar ndzai duku. 53 Ata vǝr ǝnda ka lǝkǝma, ndzǝ ngganggar Yahudi mbwai apǝri ka dar tsi tǝni.