‏ Mark 11:15-19

15Dar ka si akwa Ursalima, dzǝ ka lǝkwa babalǝr fǝr Hyal dzǝ baditsǝni kǝdlǝba ndzǝ nam ada ɗǝlɛ aka ɗǝgǝlnta kari akwanda. Dzǝ ka mbiyanta tɛbǝr ndzǝr tsandi kwapa kaka kudzaliyir ndzaiyir ndzǝr ɗǝlnta kǝtǝpǝr. 16Dzǝ ta ngyar ka ndǝ nuɗɛ aka sǝr dǝlnta akwa fǝr Hyal wɛ. 17 aDzǝ ka hyipɛ ala dar tǝ dzǝ nkǝrɛ apǝri, “Adi rǝbwa-rǝbwa wɛ apǝri,
“Ndǝ ata ka kǝiyirna tǝ fǝr vǝkǝr sǝlai ala Hyal
ala sanga ndzǝr dunya?

Ama gǝr mǝrti tǝni ‘dlangǝr ndzǝr fa whalɛ.’”

18Ama nggar fǝrist yarni kaka malǝmǝr mabari yarni ngati, dar ada bara whalɛ nam tǝ dar awatsi tǝni, ama dar ada hyivǝr tǝni, kadǝbar sanga ndzǝ nam akwanda ni ndatǝdzi ata kǝra hyipǝrni.

19Sakatǝ tǝhaku ‘ya, Yɛsu kaka ndzǝr nuwurni lǝba ta kuta mǝlmɛ.
Copyright information for CklSC