Mark 12:18-27
Kǝldzi ata Vǝr Hyati akwa Ntǝnti ni
(Mat 22:21-33; Luk 20:27-40)
18 aAntǝ ndzǝr Saduki nam tara nkǝrɛ apǝri hyati akwa nti adi wɛ, dar si adzǝni ▼▼Ndzǝ laka yarɛ nam kura ata mbǝrsa apǝri hyati akwa nti adai.
ka yu tǝni apǝri, 19 c“Malǝm, Musa rǝbwai ala yar apǝri ma apǝri sal nti ka ngyar mwalarni kura aka zǝr, kǝ ndzai ntsakǝr ka zǝrangǝri kǝtǝ kuɗǝghum ni ka dzǝ yaba zǝr ala ndǝ nam tara nti ni. 20Madar mama murfwɛ adai, nam ngari kǝtǝ mwala, ama dzǝ ka nti kura dzǝ ata yai zǝr. 21Ani ndǝ sǝɗǝkur kǝtǝ kuɗǝghum ni, dzǝ yɛ dzǝ nti kura dzǝ ta yaba zǝr akwa, ba nǝr makǝrkur yɛ tsu ahani, ani sanga dar murfwɛ ni ta yaba zǝr akwa dza wɛ. 22Ata dǝnta mwala ndari yɛ nti. 23Akwa hyati akwa ntǝnti dzǝ mwalar wa akwa ntsa dar, kadǝbar dar murfwɛ ni sanga kǝl tǝni ka mwalakur?” 24Yɛsu ka sǝnau ala dar apǝri, “Gǝri ta ‘ya kal-kal wɛ! Kadǝbar gǝri ta zǝndi Labar Hyal wala dǝnar Hyal wɛ. 25Ma sakatǝ ndzǝ ntǝnti hyati, kǝl mwala wala pwarnta nkwa ala sal adi wɛ, ama dar ata ndzai apa ndzǝr hyantǝr Hyal atahyal. 26 dAma ngyar ka muri labar ata kǝra hyati akwa ntǝnti ni—gǝri ta kǝratsǝni akwa kakadǝr Musa wɛ, sakatǝ zǝr fwɛ ada mba akwa ntaku, whal nam tǝ Hyal tara nkǝrɛ ala Musa, ‘Yi dza Hyalǝr Ibrahim ni, Hyalǝr Isaku ni, ba Hyalǝr Yakubu ni’? 27Dzǝ adi Hyalǝr nti wɛ, ama dzǝ Hyal nam aka mpikɛ. Gǝr sa dzǝr dzǝri!”
Copyright information for
CklSC