Mark 12:28-34
Tsau nam Ngga Ta sang ni
(Mat 22:34-40; Luk 10:25-28)
28Pathlu akwa ntsa malǝmǝr mabari yarni si dzǝ ka ngati Yɛsu kaka ndzǝr Saduki ada ɓwalnya. Sakatǝ dzǝ ngati Yɛsu kalaktsǝni nam ɗaku, dzǝ yu tǝni, “Akwa ntsa sanga tsau yarni madi dza ani ɓwaltasang?” 29 aYɛsu sǝnau, “Nam ɓwaltasang nkǝrɛ: ‘Ndzǝr Izǝraila siyamɛ thlǝmɛ, Thlaku Hyalǝr yar, Thlaku ani duku. 30Yiɗɛ Thlaku Hyalǝr ngɛ ni aka sanga ɗǝfa gɛ ba aka sanga sangura gɛ ba aka sanga ɗǝngar ngɛ ba aka sanga dǝnar ngɛ.’ 31 bNǝr sǝɗǝkur nkǝrɛ, ‘Yiɗɛ ntǝwhulǝr ngɛ apa kǝrngɛ.’ Tsau nam tara kwatsǝni ǝni adi wɛ.” 32 cAni malǝm mabari ndari ka nkǝrɛ ǝni, “Gǝ kal-kal malǝm, gǝ aka dzǝri akwa labarǝr ngǝ ni apǝri Hyal dzǝ duku ba damwa adi wɛ tar dza. 33 dSǝ nam ɓwaltasang ani ka gǝ yiɗɛ tǝni aka sanga ɗǝfa gǝ, ba sanga zǝndǝr ngɛ aka sanga dǝnar ngɛ, ba ka gǝ yiɗɛ ntǝwhulǝr apa kǝrngɛ, ǝni dzǝ dza ɓwalta sanga kǝdlǝrsu aka hamnta su.” 34 eSakatǝ Yɛsu wula apǝri dzǝ sǝnau aka bǝrkawakur, dzǝ ka nkǝrɛ alari, “Gǝ adi pǝɗǝm aka kuhyikur Hyal wɛ.” Ani aghǝla ǝnda, ndǝ nam dǝnawa tara ɓakta yu tǝni adi wɛ.
Copyright information for
CklSC