Mark 14:12-21
Yɛsu Sǝm Sǝr Sǝmǝr Tǝhaku
kaka Ndzǝr Nuwurni nǝr Dǝnta(Mat 26:17-25; Luk 22:7-14; 21:2; Yaw 13:21-30)
12Akwa vǝr tangkur nǝr Wudzǝr Mantsǝkǝl kura Thlǝlam, vǝr nam tǝ ndǝ thlakǝr wuya ala zǝr agam nǝr Wudzǝr Ngǝmba, ndzǝr nuwur Yɛsu ka yu tǝni, “Akwa madi tǝ gǝ ada bara ka yar mwar ka ɗǝmhǝi sǝr sǝmǝr Ngǝmba ala gǝ?” 13Ani ba dzǝ ka hya sǝɗɛ akwa ntsa ndzǝr nuwurni, tǝ dzǝ nkǝrɛ ala dar, “Mwaramɛ aivi akwa kuta mǝlmɛ, gǝri ata wula sal laka ada kǝl yimi akwa tǝghum ka gǝri nu tǝni. 14Akwa kǝi nda nam tǝ dzǝ ata lǝkwa, nkǝrɛ ala thlakǝr kǝiyari apǝri, ‘Malǝm ada yuwɛ: Akwa madi fǝr nam tǝ Yi ata sǝm sǝr sǝmǝr Wudzǝr Ngǝmba kaka ndzǝr nuwurna akwa?’ 15Dzǝ ata tsanti ala gǝri fǝr ngga ati ata kǝra kǝmani tǝ ndǝ dzǝguti ka pu kari akwa kutari, ka gǝri ɗǝmhǝi ala muri sǝr sǝmɛ akwanda.” 16Ndzǝr nuwurni yarnda ka sǝba ka mwara wala kuta mǝlmɛ, ani dar ka ɓui su apa tǝ dzǝ nkǝrɛ ala dar, ani dar ka ɗǝmhǝi sǝr sǝmǝr Ngǝmba ndari. 17Sakatǝ tǝhaku tara ‘ya, Yɛsu si kaka ndzǝr nuwurni kum kapu sǝɗɛ. 18 aSakatǝ dar ndzai ada sǝm sǝr sǝmɛ, Yɛsu nkǝrɛ ala dar apǝri, “Dzǝr dzǝri Yi ada nkǝrɛ ala gǝri pathlu akwa ntsa gǝri ani ata ɓǝlai tǝra, ndǝ nam duku ada sǝmɛ akai atakǝmaduku.” 19Ɗǝfa dar ka sǝwa dar ada yu tǝni duku-duku, “Dzǝri adi ata ndzai Yi wɛ?” 20“Dzǝ sǝnau, ani pathlu akwa ntsa kum kapu sǝɗɛ ni, ndǝ nam ada ntsu mantsǝkǝl akwa kyahǝla duku akai. 21Zǝr Ndɛ ni ata nti tsu apa tǝ ndǝ rǝbwai ata kǝrari. Ama bwasam ala ndǝ ǝnda nam tara ɓǝlai Zǝr Ndɛ ni! Ata ‘ya kudzǝ ala ndǝ ni kura ndǝ ta ya tǝni.”
Copyright information for
CklSC