Mar 16:1-10 | CklSC | STEP | Sakatǝ vǝr Sǝbdu tara kwatsǝni, Maryamu Magǝdaliya ba Maryamu angǝra Yakubu ba Salaumi dar ɗǝlba sǝ sǝwur nam sǝɗa, ani dar ka mwari akǝr ka dar pukǝr ala dzá Yɛsu.

‏ Mark 16:1-10

Hyati akwa Ntǝnti ni

(Mat 28:1-8; Luk 24:1-12; Yaw 20:1-10)

1 Sakatǝ vǝr Sǝbdu tara kwatsǝni, Maryamu Magǝdaliya ba Maryamu angǝra Yakubu ba Salaumi dar ɗǝlba sǝ sǝwur nam sǝɗa, ani dar ka mwari akǝr ka dar pukǝr ala dzá Yɛsu. 2 Tsu kula-kula mbǝk, sakatǝ tsǝtsi ada sǝba akwa baditsǝni vǝr nǝr tang akwa magu dar ka si akwa vui kulari, 3 dar ada yu kǝma dar, “Wa ani ata mbǝyanta paya nam ata nya kul ni?”

4 Ama sakatǝ dar haɓǝti ntsa dar ada wulɛ, dar wula payari ma kurtaka bagǝlntadzi. (Payari ngga dzǝri.) 5 Sakatǝ dar lǝkwa kulari, dar ka wula zǝr dakwai aka lǝkutu mwapu ada ndzai tǝbwar tsisǝmɛ, ka ‘ya ala dar sǝr ndati.

6 Dzǝ nkǝrɛ ala dar apǝri ta gǝri ta ndatǝdzi mai, “Gǝri ada bara Yɛsu ndǝr Nazarat nam tǝ ndǝ kukwanta tǝni. Dzǝ hyati! Dzǝ tsu adi akwani wɛ. Wulamɛ vui nam tǝ dar panyi tǝni ati. 7 ^aAma mwaramɛ ka gǝri nkǝrɛ ala ndzǝr nuwurni yarɛ ba Bitrusu apǝri, ‘Dzǝ ata mwari akwa Galili kǝmata gǝri. Akwanda gǝri ata wula tǝni apa tǝ dzǝ nkǝrɛ ala gǝri.’”

8 Mwahyi yarni ka ɗǝghǝba akwa kul ni aka ndatǝdzi ba yakatsǝnidzi. Dar ta nkǝr mima ala ndǝ wɛ kadǝbar dar ada hyivǝr.

Yɛsu Tsantǝdzi ba Mwari alǝti Atahyal

9 [Sakatǝ Yɛsu hyati kula-kula mbǝk ata vǝr nam tang akwa magu, dzǝ tsantǝdzi tangkǝma ala Maryamu Magǝdaliya mwala nam tǝ dzǝ kǝdlǝba mambǝl nam kulɗa murfwɛ akwa dzari. 10 Dzǝ mwari ka nkǝrɛ ala ndzǝ nam tǝ dar ndzai atakǝmaduku kaka Yɛsu ba ndzǝ nam ada, sǝngǝlɛ ba tuwa.