Mark 9:33-37
Wa ani Ngga Ta sang?
(Mat 18:1-5; Luk 9:46-48)
33Dar ka si akwa Kafarnahum. Sakatǝ dzǝ akwa kǝi ni, dzǝ ka yu tǝ dar, “Mǝ tǝ gǝri ada ɓwalnya ata kǝri akwa whal ni?” 34 aAma dar ndzai kǝɗǝk, kadǝbar ata whalɛ dar ada ɓwalnya kaka kǝma dar ata kǝra wa ani ata ndzai ngga ta sang. 35 bSakatǝ dzǝ ndzai dzǝ ka kǝga ndzǝr nuwurni kum kapu sǝɗɛ asi adzǝni, dzǝ ka nkǝrɛ ala dar, “Ma ndǝ nam ada bara ka dzǝ ndzai tangkǝma, kǝ ndzai ntsakǝr ka dzǝ ndzai aghǝli ta sang, kǝ ndzai ntsakǝr dzǝ ata ndzai zǝr kǝiyir sanga ndɛ.” 36Dzǝ ka kǝgati zǝr waza laka ka hyanti akwa ɓwanga dar, dzǝ ka kǝtǝ tǝni akwa ghyimbiyari dzǝ ka nkǝrɛ ala dar apǝri, 37 c“Kǝlara ndǝ nam tara dlutsi zǝr waza apa dzǝli ǝni akwa thlǝmawai, Yi dza tǝ dzǝ tara dlutsi, ndǝ nam tara dlutsi tǝra tsuwɛ, adi Yi tǝ dzǝ dlutsi wɛ, ama dzǝ dlutsi ndǝ nam tara hya tǝra.”
Copyright information for
CklSC