Matthew 22:23-33
Kǝldzi akwa Vǝr Hyati akwa Ntǝnti ni
(Mar 12:18-27; Luk 20:27-40)
23 aTsu ata vǝr ǝnda ndzǝr Saduki ni, nam tara gha apǝri hyati akwa ntǝnti adi wɛ, ka si adzǝni aka sǝr yuwɛ. 24 bDar ka nkǝrɛ, “Malǝm, Musa gha ala yar apǝri ma sal nti kura ta ɓui madausai, zǝrangǝri kǝ ndzi ntsakǝr ka dzǝ kǝtǝ mwala kifɛ ni ka dzǝ ɓui madausai alari. 25Ndza madar mama yarɛ murfwɛ adai akwa ntsa yar. Nam kǝmani kǝtǝ mwala ba dzǝ ka nti, ba tǝng dzǝ ta ɓui madausai wɛ, dzǝ ka ngyar mwalarni ala zǝrangǝri. 26Tsu apani tara ‘ya ala nǝr sǝɗǝkur ni ba zǝr mama nǝr makǝrkur, ka lǝkǝma har ka la nǝr murfwǝkur. 27Ata dǝnta, mwala ni ka nti. 28Kulini dzá, ata vǝr hyati akwa ntǝnti, mwala ni ata ndzai nǝr wa akwa ntsa dar murfwɛ ni, tǝng tǝ sanga dar kǝl tǝni?” 29Yɛsu sǝnau, “Gǝri sa kadǝbar gǝri ta zǝndi Labar Hyal ni wɛ wala dǝnar Hyal ni. 30Ata vǝr hyati akwa ntǝnti ndzǝ adi ata kǝl mwala wala pwarnta nkwa ala sal adi wɛ; dar ata ndzai apa ndzǝr hyantǝr Hyal nam atahyal. 31Ama ata kǝra hyati akwa ntǝnti ni—gǝri ta kǝratsǝni sǝ nam tǝ Hyal nkǝrɛ ala gǝri wɛ, 32 c‘Yi dza Hyalǝr Ibrahim, Hyalǝr Isaku ni, ba Hyalǝr Yakubu ni’? Dzǝ adi Hyalǝr ndzǝ ntǝnti wɛ ama nǝr ndzǝ aka mpikɛ.” 33Sakatǝ dlamiyir ndzi ni tara ngati ǝni, dar ka ndatǝdzi ata kǝra hyipǝrni ni.
Copyright information for
CklSC