Matthew 4:12-22
Yɛsu Baditsǝni Nkǝr Ndǝrɛ
(Mar 1:14-15; Luk 4:14-15)
12 aSakatǝ Yɛsu tara ngati apǝri ndǝ hau Yawhana akwa fǝrsǝna, dzǝ ɓiti alǝkwa Galili. 13 bDzǝ ngyar Nazarat, dzǝ ka mwara lǝka ndzai akwa Kafarnahum, di nam kudzǝghɛ aka manda, akwa dabwa diyir Zibulun aka Nafǝtali— 14Ka ghǝiyaba sǝ nam tǝ ndǝ tara nkǝrɛ atar nabi Isaya:15 c“Diyir Zibulun ba diyir Nafǝtali,
whal nam ada mwari akwa kyagha, ka lǝba ata Urdun,
Galili nǝr ndzǝ kura Yahudi—
16ndzǝ nam ada ndzai akwa kuthlɛ
dar wula paraku nam ngga;
ndzǝ nam ada ndzai akwa diyir sanguraiyir nti
paraku kǝ sǝba ala dar.” 17 dAkwa saka ǝnda antǝ Yɛsu baditsǝni nkǝr ndǝrɛ, “Tubiyamɛ, akuya kuhyikur nam atahyal kǝ ‘ya kudzǝghɛ.”
Kǝga Ndzǝr Nuwɛ nam Tangkǝma
(Mar 1:16-20; Luk 5:1-11)
18Sakatǝ Yɛsu ata kǝra mwari ata nya mandar Galili, dzǝ ka wula madar mama sǝɗɛ, Simaun (nam tǝ ndǝ ada kǝga tǝni aka Bitrusu) aka zǝrangǝri Andǝrawusu. Dar ata kǝra tamwɛ kulfa akwa kyagha, aka lambusǝr akuya dar ndzǝr fa kulfa. 19Yɛsu ka nkǝrɛ, “Azǝramɛ, ka gǝr nu tǝra, Yi ata mǝrti tǝ gǝri ndzǝr fa ndzi.” 20Tǝkǝma dar ka ngyar lambusǝr dar yarɛ ka nuti tǝni. 21Sakatǝ dzǝ lǝkǝma dzǝ wula madar mama sǝɗɛ, Yakubu zǝr Zabadi aka zǝrangǝri Yawhana. Dar akwa sar kaka tada dar Zabadi, ada dzǝgu lambusǝr dar. Yɛsu ka kǝga tǝ dar, 22kura aka santa saka dar ngyar sar ni ba tada dar ba dar ka nuti tǝni.
Copyright information for
CklSC