Mat 9:9-13 | CklSC | STEP | Sakatǝ Yɛsu kǝ lǝkǝma ka tǝra akwanda, dzǝ ka wuti ndǝr dlu tsimɛ laka, tǝ thlǝmari Mata, ada ndzai ata vui dlu tsǝmɛ; dzǝ ka nkǝrɛ alari, “Nu tǝra.” Mata ka hyati ka nuti tǝni.

‏ Matthew 9:9-13

Kǝga Mata ni

(Mar 2:13-17; Luk 5:27-32)

9 Sakatǝ Yɛsu kǝ lǝkǝma ka tǝra akwanda, dzǝ ka wuti ndǝr dlu tsimɛ laka, tǝ thlǝmari Mata, ada ndzai ata vui dlu tsǝmɛ; dzǝ ka nkǝrɛ alari, “Nu tǝra.” Mata ka hyati ka nuti tǝni.

10 ^aSakatǝ Yɛsu tara ndzai ka sǝm sǝr sǝmɛ ahar Mata, ndzǝr dlu tsimɛ hang kaka “ndzǝr biku” dar ka si ka sǝm sǝr sǝmɛ aka Yɛsu ba ndzǝr nuwurni atakǝmaduku. 11 Sakatǝ ndzǝr Farisi tara wula ǝni, dar ka yu ndzǝr nuwurni apǝri, “Kami tǝ malǝmǝr gǝri ada sǝmɛ atakǝmaduku kaka ndzǝr dlu tsimɛ ba ndzǝr biku?”

12 Sakatǝ Yɛsu ngati ǝni, dzǝ ka nkǝrɛ, “Ndzǝ nam kalang adi ada bara ndǝr kuzugu wɛ, ama ndzǝ kura kalang. 13 ^bAma mwaramɛ ka gǝri ghyǝngaba sǝ nam tǝ ndǝr yarɛ ni ada nkǝrɛ: ‘Kǝtǝrdzi ani tǝ Yi ada bara, adi kǝdlǝrsu wɛ.’ Akuya Yi ta si ka Yi kǝga ndzǝ nam kal-kal wɛ, ama ndzǝr biku yarɛ.”