1 Chronicles 14
Давутнынъ падишалыгъы къавийлеше
1 aТир падишасы Хирам Давуткъа эльчилерини йиберди ве оларнен берабер, сарай къурсунлар деп, дюльгерлерни, къуруджыларны ве кедр тереклерини ёллады. 2Давут РАББИ оны Озь халкъы Исраильге падиша этип къойгъаныны ве Исраиль халкъы ичюн падишалыгъыны юксельткенини корьди. 3Давут озюне Ерусалимде даа апайлар алды. Онынъ даа огъуллары ве къызлары догъды. 4 bОнынъ Ерусалимде догъгъан балалары булардыр: Шаммуа, Шовав, Натан, Сулейман, 5Йивхар, Элишуа, Элпелет, 6Ногах, Нефег, Яфия, 7Элишама, Беэльяда ве Элифелет. 8Фелестинлилер, Давут бутюн Исраиль падишалыгъына ягънен сюртюльгенини эшитип, эписи Давутны къыдырып башладылар. Давут буны эшитип, оларгъа къаршы дженкке чыкъты. 9 cФелестинлилер келип, Рефаим вадийинде ерлештилер. 10Давут Алладан: – Фелестинлилерге къаршы чыкъайыммы? Оларны меним къолума берерсинъми? – деп сорады. РАББИ Давуткъа: – Чыкъ. Мен оларны сенинъ къолунъа теслим этерим, – деди. 11 dСонъра Давут Баал-Перацимге кетти ве анда фелестинлилерни енъди. О: – РАББИ меним къолларымнен душманларны, сув акъымыны дагъыткъаны киби, дагъытты, – деди. Шунынъ ичюн шу ернинъ ады Баал-Перацим ▼▼Баал-Перацим – къ. еуд. «Рабби дагъыта» демектир.
олды. 12Фелестинлилер анда озь путларыны ташлап кеттилер. Давутнынъ буюргъанынен путларны якътылар. 13Бираз вакъыт кечкен сонъ, фелестинлилер кене кельдилер ве вадийде ерлештилер. 14Давут кене Алладан сорады, ве О, бойле деди: – Оларнынъ артындан барма, лякин айланып, бака тереклери тарафындан бар. 15 fБака тереклерининъ тёпесинде адым давушыны эшиткенде, о вакъыт дженкке кириш. Фелестинлилернинъ ордусыны ёкъ этмек ичюн, Алла сенинъ огюнъде кетер. 16Давут РАББИ буюргъаны киби япты ве Гивондан Гезерге къадар узангъан топракъларда фелестинлилернинъ ордусыны ёкъ этти. 17 gБундан сонъ Давутнынъ намы бутюн мемлекетлерде белли олды. РАББИ оны бутюн халкълар ичюн къоркъунчлы этти.
Copyright information for
CrhCTB