a Фаал 24.17; Рим 15.25-28; Гал 2.10
bФаал 20.7; 2 Кор 8.3; 9.3; Сыр 1.10
cФаал 18.27; 24.17; Рим 15.25-28; 2 Кор 3.1
d Фаал 19.21; 2 Кор 1.16
e Чыкъ 23.16; 34.22; Лев 23.15; Текр 16.9; Фаал 2.1
f Фаал 16.1; 1 Кор 4.17
g Фаал 18.24; 19.1; 1 Кор 1.12; 3.5; 4.6
h Мт 25.13; 2 Тес 2.15
i1 Кор 14.1
j 1 Кор 1.16
kФлп 2.29; 1 Тес 5.12-13; 1 Тим 5.17
l Фаал 18.2; Рим 16.3; 2 Тим 4.19
mРим 16.16
n Гал 6.11; Кол 4.18; 2 Тес 3.17; Флм 1.19
oРим 9.3; Гал 1.8; Сыр 22.20

‏ 1 Corinthians 16

Ерусалим джемиети ичюн топлангъан акъча акъкъында

1 aЭнди азизлер ичюн акъча топланмасына кельсек, сизлер Галатиядаки иманлылар джемиетлерине буюргъанымны япынъыз. 2 bАфтанынъ биринджи кунюнде эр биринъиз озь барлыгъына коре бир къысым акъчаны айырып сакъланъыз. Сонъ мен сизге кельгенде, акъча топламагъа керек олмаз. 3 cАлдынъызгъа кельгенде, сизлер сайлагъан адамларгъа мектюплер берерим ве бахшышынъызны Ерусалимге ёлларым. 4Эгер меним бараджагъым да керек олса, мен де оларнен берабер кетерим.

5 dМен бутюн Македонияны доланып чыкъкъан сонъ, сизге бараджагъым. Македонияны доланып чыкъмагъа истейим. 6Бельки янынъызда бираз вакъыткъа къалырым, я да къышны кечиририм, сонъ сизлерге мени кетеджек ериме озгъармакъ мумкюн олур. 7Сизлернен аз корюшип кетмеге истемейим. Рабби ёл ачса, янынъызда чокъча къалмагъа умют этем.

8 eБерекет Байрамына къадар мен Эфес шеэринде къаладжагъым. 9Манъа къаршы чыкъкъанлар чокъ олса да, о ерде буюк ве гъайретли хызмет ичюн манъа кенъ бир къапу ачылды.

10 fЭгер Тимотей алдынъызгъа кельсе, о, аранъызда ич бир шейден къоркъмайып яшагъанына дикъкъат этинъиз. О, мен киби, Раббининъ хызметинде булуна. 11Кимсе онъа юкъарыдан бакъмасын. О, манъа кельсин деп, оны аманлыкънен озгъарынъыз; мен оны дин къардашларнен берабер беклейим.

12 gДин къардашымыз Аполлоскъа, озь достларынен берабер сизге кельмеге ялвардым, амма шимди бармагъа ич истеги ёкъ. Къолай бир вакъыт тапса келеджек.

13 hЮкъламанъыз, иманда къатты турунъыз, джесюр ве кучьлю олунъыз. 14 iБутюн ишлеринъизни севгинен беджеринъиз.

15 jДин къардашлар, Стефанаснынъ эвдекилерини билесинъиз: Ахаяда биринджи иман эткенлер олар эди, озьлери азизлерге хызмет этювге берильдилер. Энди сизлерге ялварам: 16 kбойле адамларгъа, оларнынъ ярдымджыларына ве чокъ чалышкъан эр бир инсангъа бойсунынъыз.

17Стефанас, Фортунат ве Ахаикнинъ кельгенине къувандым; сизинъ еринъизге олар меним янымда эдилер. 18Олар эм мени, эм сизни юреклендирдилер. Бойле адамларны урьмет этинъиз.

19 lКучюк Асиядаки иманлылар джемиетлери сизлерге селям ёллайлар. Акиланен Приска ве оларнынъ эвинде топлангъан джемиет Раббиден сизлерге чокъ селямлар ёллайлар. 20 mБутюн дин къардашлар сизлерге селям ёллайлар. Азиз опюшнен селямлашынъыз.

21 nМен, Павел, озь къолумнен бу селямны язам. 22 oКим Раббини севмесе, онъа лянет олсун! Марана та – я Рабби, кель ▼
▼Къ. арам. «Марана та» ибареси «Я Рабби, кель!» манасыны ташый.
! 23Рабби Исанынъ эйилиги сизлернен олсун! 24Иса Месихнен мен эпинъизни севем!
Copyright information for CrhCTB