a 1 Кор 1.18; 2 Кор 2.15
bГал 6.14
c2 Кор 11.30; 12.5; Гал 4.13
d1 Кор 4.20
e2 Кор 4.7; 6.7
f Флп 3.15
gКол 2.3
hЮх 7.48; Фаал 13.27
iЕш 52.15; 64.4; 65.17
j Мт 16.17; 1 Юх 2.20
kИкм 20.27
lРим 8.15
mЮх 6.45; 2 Кор 1.12
nЮх 14.17; Рим 8.7
oЕш 40.13; Рим 11.34

‏ 1 Corinthians 2

Павелнинъ Коринтке эвельки келюви

1 aДин къардашларым, мен сизге кельгенде, Алланынъ шаатлыгъыны бильдиргенде, буны лафкъа усталыкънен ве икметнен япмадым. 2 bАмма аранъызда олгъанда, мен Иса Месихтен ве Онынъ хачкъа мыхлангъанындан башкъа эр шейни унутмагъа къарар эттим. 3 cАранъызда олгъанда, мен къуветсиз эдим, къоркъудан къалтырай эдим. 4 dАкъыллы, къандыргъан сёзлернен огретмей эдим, лякин Рухнынъ къудретинен огрете эдим, 5 eиманынъыз адамларнынъ акъылына дегиль, Алланынъ къудретине таянгъаныны истедим.

Алланынъ икмети

6 fБиз анълагъан адамлар арасында икметли сёзлерни айтамыз, амма бу икмет – дюньянынъ икмети дегиль, дюньядаки кечиджи акимлернинъ икмети де дегиль. 7 gБиз Алланынъ гизли ве сакълангъан икмети акъкъында айтамыз. Бизге шурет бермек ичюн, О, бу икметни дюнья яратылмаздан эвель азырлады. 8 hБу икметни дюнья акимлеринден ич бириси анъламады. Эгер оны анълагъан олсалар, шуретли Раббини хачкъа мыхламаз эдилер. 9 iАмма Языда язылгъаны киби олды: Алла Оны севгенлерге козь корьмеген, къулакъ эшитмеген, адамнынъ юреги тюшюнмеген шейлерни азырлады.

10 jБизлерге исе Алла буны Озь Руху ярдымынен бильдирди. Рух бутюн шейлерни, атта Алланынъ терен тюшюнджелерини тешкерип бакъа. 11 kАдамнынъ тюшюнджелерини онынъ ичиндеки рухундан башкъа ич кимсе бильмей. Алланынъ тюшюнджелерини де Алланынъ Рухундан башкъа ич кимсе бильмей. 12 lБизлер исе дюньянынъ рухуны дегиль, Алладан Рухны къабул эттик. Шунынъ ичюн Алла бизге бедава берген шейлерни билип анълаймыз. 13 mБуны биз адамларнынъ акъыллы сёзлеринен дегиль, Рух огреткен сёзлернен бильдиремиз, Рухкъа толгъан адамларгъа рухий акъикъатны анълатамыз. 14 nОзю ичюн яшагъан адам Алланынъ Руху огреткен шейлерни къабул этип оламай. О, буларны акъылсызлыкъ деп сая ве оларны анъламай, чюнки оларны тек Алланынъ Руху ярдымынен анъламакъ мумкюн. 15Шунынъ ичюн Алланынъ Руху олгъан адам эр шейнинъ къыйметини кесмек мумкюн, рухсузларнынъ тарафындан исе онынъ къыймети кесильмез. 16 oРаббининъ акъылыны ич кимсе бильмез, ич кимсе Оны огретмез. Бизде исе Месихнинъ акъылы бар.
Copyright information for CrhCTB