a Мт 5.9; Юх 1.12; 3.16; 16.3; 17.25; 1 Юх 5.1; Рим 5.8; 8.14; Эф 2.4
bЭюп 19.26; Збр 16.15; Рим 8.15-16, 29; 1 Кор 13.12; 2 Кор 3.18; Гал 3.26; Эф 1.5; Флп 3.21; Сыр 22.4
c2 Кор 7.1
dЮх 1.29; 1 Пётр 2.22; 2 Кор 5.21; Еуд 4.15; 9.26
e3 Юх 1.11
f Мк 13.5; 1 Юх 2.26; Кол 2.8; 2 Тес 2.3
gЮх 8.44; Еуд 2.14
hЗбр 118.3; 1 Юх 5.18
i1 Юх 4.8, 20
j Лев 19.18; Юх 13.34; 1 Юх 1.5; 2.24; 2 Юх 1.5
kБаш 4.3-8; Юх 8.44; Иуда 1.11; Еуд 11.4
l Мк 13.13; Юх 7.7; 15.18
mЮх 5.24
nМт 5.22; Сыр 21.8
o Юх 10.11; 15.13
pТекр 15.7; Икм 21.13; Якъ 2.15-16
qЯкъ 1.22; Рим 2.13
r 1 Юх 2.28
sМт 7.7-8; Юх 14.13-14
tЮх 6.29
uЮх 6.56; 15.4-5; Рим 8.9, 16

‏ 1 John 3

1 aБакъынъыз, биз «Алланынъ балалары» адландырылайыкъ деп, Баба бизге не къадар буюк севги косьтерди! Керчектен де, биз Онынъ балаларымыз! Лякин дюнья бизни танымай, чюнки о, Бабаны танымагъан. 2 bСевгили достларым, шимди биз Алланынъ балаларымыз! Лякин келеджекте не оладжагъымыз шимди даа белли дегиль. Биз тек шуны билемиз ки, О, пейда олгъанда, биз Онъа ошайджакъмыз, чюнки Оны, О олгъаны киби, кореджекмиз. 3 cО, насыл элял олса, Онъа бойле умют багълагъан эр бир адам да эляллана.

4Гуна япкъан эр бир адам Къанунны боза. Гуна – къанунсызлыкъ демектир. 5 dСиз билесиз ки, Иса бизим гуналарымызны бойнуна алып кетмек ичюн пейда олды ве Онда ич бир гуна ёкъ. 6 eОнда булунгъан эр бир адам гуна ичинде яшамай. Гуна ичинде яшагъан эр бир адам исе Оны корьмеген ве Оны бильмеген.

7 fБалалар, кимсе сизни ёлдан урмасын! О насыл адалетли олса, догъру япкъан адам да о къадар адалетлидир. 8 gГуна ичинде яшагъан адам – Шейтандандыр. Шейтан башындан берли гуна япып тура. Алланынъ Огълу исе Шейтаннынъ ишлерини ёкъ этмек ичюн пейда олды. 9 hАлладан догъулгъан эр ким гуна ичинде яшамай, чюнки онынъ ичинде Алланынъ урлугъы къала. О, гуна ичинде яшап оламай, чюнки о, Алладан догъулгъан. 10 iАлланынъ балалары да, Шейтаннынъ балалары да бундан билине: догъру япмагъан эр ким, эм де озь агъа-къардашыны севмеген эр ким Алладан дегиль.

Бири-биринъизни севинъиз

11 jБашындан сиз эшиткен хабер бойледир: бири-биримизни севейик! 12 kХаинге ошамайыкъ. О, ямандан эди ве озь къардашыны ольдюрди. Къардашыны не ичюн ольдюрди? Чюнки онынъ ишлери яман, къардашынынъ ишлери исе догъру эди.

13 lАгъа-къардашларым, эгер дюньянынъ сизни кореджек козю олмаса, шашманъыз. 14 mБиз олюмден яшайышкъа кечкенимизни билемиз, чюнки биз агъа-къардашларымызны севемиз. Озь агъа-къардашларыны севмеген адам исе олюмде къалыр. 15 nОзь агъа-къардашыны кореджек козю олмагъан эр бир адам – башкъасыны ольдюрген адамдыр. Башкъасыны ольдюрген ич бир адамда исе эбедий омюр булунмагъаныны билесинъиз.

16 oИса бизлер ичюн озь джаныны берди, бундан биз севгини бильдик. Биз де агъа-къардашларымыз ичюн джанымызны бермеге борджлумыз. 17 pЭгер бир адамда бу дюньянынъ зенгинликлери олса, ве о, озь агъа-къардашыны ёкъсуллыкъта олгъаныны корип, юрегини таш киби япса, бу адамда Алланынъ севгиси насыл этип ер аладжакъ? 18 qБалалар, севгимизни сёзлернен я да тильнен дегиль, акъикъат ве ишлеримизнен косьтерейик.

Алланынъ огюнде юрегимиз раат

19Бойлеликнен, биз акъикъат ичинде олгъанымызны биледжекмиз, ве Онынъ алдында виджданымыз раат оладжакъ. 20Эгер виджданымыз бизни къабаатласа, виджданымыздан Алла устюндир; О, эр шейни биле.

21 rСевгили достларым, эгер виджданымыз бизни къабаатламаса, Алланынъ алдында джесюр олурмыз, 22 sве Ондан нени сорасакъ, Ондан алырмыз, чюнки биз Онынъ эмирлерини беджерип, Оны мемнюн эткен ишлерни япамыз. 23 tОнынъ эмири исе – Онынъ Огълу Иса Месихнинъ Адына инанмакъ ве, О бизге буюргъаны киби, бири-биримизни севмектир. 24 uОнынъ эмирлерини беджерген адам Аллада булуна, Алла да онда булуна. О, бизге Рухны бергени ичюн, О, ичимизде яшагъаныны билемиз.
Copyright information for CrhCTB