a Текр 13.1-3; Йрм 14.14; 23.16; 29.8; Мт 7.15; Мк 13.22; 2 Пётр 2.1; 1 Кор 14.29; 1 Тес 5.20-21; Сыр 2.2
bЮх 1.14; 1 Кор 12.3; 1 Тим 3.16; Еуд 2.14
c1 Юх 2.18, 22; 2 Юх 1.7
dЮх 3.31; 8.23; 15.19
eЮх 14.17; 18.37; 1 Тим 4.1
f 1 Кор 13.1-13; 1 Юх 3.10-11
gЮх 3.16
hЮх 1.29; 3.16; Рим 5.8; 1 Юх 4.10
iЧыкъ 33.20; Юх 1.18; 1 Юх 2.5; 1 Тим 6.16
j 1 Юх 3.24
kЮх 3.17
lМт 14.33; 1 Юх 5.5
m1 Юх 2.28; 3.21
n1 Юх 2.9; 3.10
oЛев 19.18; Мт 19.19; 22.39; Мк 12.31

‏ 1 John 4

Акъикъат Руху ве ялан руху

1 aСевгили достларым, эр бир рухкъа инанманъыз. Лякин, Алладан олгъаны я да олмагъаныны бильмек ичюн, рухларны сынавдан кечиринъиз. Дюньяда чокъ яланджы пейгъамберлер пейда олды. 2 bАлланынъ Рухуны бойле танырсыз: адамнынъ беденинде кельген Иса Месихни къабул эткен эр бир рух Алладандыр. 3 cИсаны къабул этмеген эр бир рух Алладан дегиль. Бу – Месих душманынынъ рухудыр. Онынъ келеджегини сиз эшиткен эдинъиз. Мына, о энди дюньядадыр. 4Балалар, сиз Алладансыз ве оларны енъдинъиз. Ичинъизде олгъан дюньяда олгъандан буюктир. 5 dОлар бу дюньядандыр, шунынъ ичюн олар бу дюньянынъ тилинде лаф этелер, ве дюнья оларны динълей. 6 eБиз исе Алладанмыз. Ким Алланы таныса, о, бизни динълей. Алладан олмагъан исе бизни динълемей. Бойлеликнен, биз акъикъат Рухуны ве ялан рухуны таныймыз.

Алла – севгидир

7 fСевгили достларым, бир-биримизни севейик, чюнки севги Алладандыр. Эр бир севген адам Алладан догъулгъан ве Алланы биле. 8Севмеген адам Алланы бильмеген, чюнки Алланынъ Озю – севгидир. 9 gАлланынъ бизге олгъан севгиси бунда ачыкъ косьтерильди: Алла бирден-бир Огълуны дюньягъа ёллады, бизге Онынъ ярдымынен яшамагъа ёл ачты. 10 hМына бу севгидир: биз Алланы севдик дегиль, лякин бизни О севди ве Озь Огълуны гуналарымыз ичюн одев оларакъ ёллады.

11Севгили достларым, Алла бизни бу къадар чокъ севсе, биз де бири-биримизни севмеге борджлумыз. 12 iИч кимсе ич бир вакъыт Алланы корьмеген. Эгер бири-биримизни севсек, Алла бизим ичимизде булуныр ве Онынъ севгиси бизде тер-темиз олур.

13 jБиз Онда булунамыз, ве О ичимизде булуна. Буны билемиз, чюнки О бизге Озь Рухуны берди. 14 kБаба Озь Огълуны дюньянынъ Къуртарыджысы оларакъ ёллады. Биз буны корьдик ве бунъа шаатлыкъ беремиз. 15 lИса Алланынъ Огълу олгъаныны къабул эткен адамда Алла булуна, о да Аллада булуна. 16Алланынъ бизге олгъан севгисини бильдик ве бунъа инандыкъ. Алла – севгидир. Севгиде булунгъан адам Аллада булуна, ве онда Алла булуна. 17 mБойлеликнен, севги бизде тер-темизлик тапа, шунынъ ичюн биз къыямет куню джесюр олурмыз, чюнки биз бу дюньяда, О яшагъаны киби, яшаймыз. 18Севгиде къоркъу ёкъ, аксине, тер-темиз севги къоркъуны къувып чыкъара, къоркъу исе джезанен багълыдыр. Къоркъакъ адамда севги тер-темиз олмады.

19Биз севемиз, чюнки эвельден О, бизни севди. 20 n«Алланы севем», – деген, лякин озь агъа-къардашыны кореджек козю олмагъан адам – яланджыдыр. О, корьген озь агъа-къардашыны севмесе, корьмеген Алланы насыл севмек мумкюн? 21 oБиз Ондан бойле эмирни алдыкъ: «Ким Алланы севсе, озь агъа-къардашыны да севмеге борджлудыр».
Copyright information for CrhCTB